Сяргей Макаравіч Забалоцец

Сяргей Макаравіч Забалоцец
Нараджэнне	14 красавіка 1955(1955-04-14) (69 гадоў) Таль, Тальскі сельсавет, Любанскі раён, Мінская вобласць, БССР, СССР
Адукацыя	Беларускі дзяржаўны эканамічны ўніверсітэт
Узнагароды	Ганаровая грамата Адміністрацыі Прэзідэнта Рэспублікі Беларусь[d] ганаровая грамата Нацыянальнага сходу Рэспублікі Беларусь Ганаровая грамата Парламенцкага Сходу Саюза Беларусі і Расіі[d]

Сяргей Макаравіч Забалоцец (нар. 14 красавіка 1955, Таль Любанскага раёна Мінскай вобласці) — беларускі палітык.

Скончыў Вышэйшую камсамольскую школу пры ЦК УЛКСМ (выкладчык гісторыі і грамадазнаўства), Беларускі дзяржаўны інстытут народнай гаспадаркі імя В. У. Куйбышава (эканаміст). Працоўную дзейнасць пачаў паляводам у калгасе «Беларусь» Любанскага раёна. Служыў у радах Узброеных Сіл. Працаваў першым сакратаром Любанскага райкама камсамола, загадчыкам арганізацыйнага аддзела Любанскага райкама КПБ, старшынёй Любанскага раённага камітэта народнага кантролю, інструктарам Мінскага абкама КПБ, другім, першым сакратаром Бярэзінскага райкама КПБ Мінскай вобласці, намеснікам начальніка ўпраўлення матэрыяльнага забеспячэння вытворчага аб’яднання «БелаўтаМАЗ».

Выбіраўся дэпутатам Палаты прадстаўнікоў Нацыянальнага сходу Рэспублікі Беларусь другога і трэцяга скліканняў^[1].

Узнагароджаны ордэнам Пашаны, чатырма медалямі, Ганаровай граматай Нацыянальнага сходу Рэспублікі Беларусь, Ганаровай граматай Адміністрацыі Прэзідэнта Рэспублікі Беларусь, Ганаровай граматай Парламенцкага Сходу Саюза Беларусі і Расіі^[2].