Սիսակ (քաղաք)

Բնակավայր
Սիսակ
խորվ.՝ Sisak
Դրոշ
Երկիր	Խորվաթիա
Համայնք	Sisak-Moslavina?
Մակերես	421,4 կմ², 32 կմ²
ԲԾՄ	100 մետր
Բնակչություն	▲40 121 մարդ (օգոստոսի 31, 2021)[1]
Հեռախոսային կոդ	044
Փոստային դասիչ	44000[2]
Ավտոմոբիլային կոդ	SK
Պաշտոնական կայք	sisak.hr
Սիսակ Վիքիպահեստում

Սիսակ (խորվ.՝ Sisak, գերմ.՝ Sissek, հունգ.՝ Sziszek), քաղաք Խորվաթիայի կենտրոնական մասում։ Գտնվում է մայրաքաղաք Զագրեբից 57 կմ հարավ-արևելք` Օդրա, Կուպա և Սավա գետերի միախառնման տեղում։

Բնակչությունը 33.322 մարդ է (2011)^[3]։ Սիսակը Սիսակ-Մոսլավինա շրջանի վարչական կենտրոնն է։

Քաղաքը գտնվում է Զագրեբ - Սիսակ - Պետրինյա ավտոմայրուղու և Զագրեբ - Սիսակ - Խրվաթսկա-Կոստայնիցա երկաթգծի հարևանությամբ։ Կանոնավոր ավտոբուսային և երկաթուղային կապով կապված է Խորվաթիայի խոշորագույն քաղաքներին։

Սիսակը Խորվաթիայի գետային խոշորագույն նավահանգիստն է։ Քաղաքից սկսած` Սավա գետը նավարկելի է, և նավերը նրանով հասնում են մինչև Դանուբ։

Քաղաքում գործում են մետալուրգիական, թեթև, սննդի, քիմիական արդյունաբերության ձեռնարկություններ։

Սիսակը քաղաք-առողջարան է` բազմաթից հանքային աղբյուրներով, որոնցում ջրի ջերմաստիճանը 42-54 °C է։ քաղաքիից ոչ հեռու գտնվում է Լոնսկո պոլե (Lonjsko polje) բնության պարկը։

Քաղաքն ունի մոտ 2.500 տարվա պատմություն։ Մինչև Հռոմեական կայսրության ներխուժումը քաղաքը կելտական էր և կոչվում էր Սեգեստիկա։ Հռոմեական կայսրության օրոք երեք գետերի միախառնման տեղում գտնվող քաղաքը արագ զարգացավ` ձեռք բերելով Պանոնիա նահանգի մայրաքաղաքի կարգավիճակ։ Արդեն Սիսցիա անունը կրող քաղաքի եպիսկոպոս Կվիրինումը, որ 309 թվականին նահատակվեց հռոմեացիների ձեռքով, դարձավ քաղաքի հովանավոր սուրբը։

Հռոմեական կայսրության անկումից հետո քաղաքը բազմիցս նվաճվել է հոների, ավարների, սլավոնների կողմից։ 9-րդ դարում սլավոնները, հաստատվելով Սավա գետի ափին, միաձուլեցին ոչ սլավոններին։ Այդ ժամանակից քաղաքը պատկանել է տեղացի իշխաններին, ապա հունգարա-խորվաթական իշխանությանը։

16-րդ դարում քաղաքի վրա հարձակվում են թուրքերը։ Նրանցից պաշտպանվելու համար կառուցվում են հզոր ամրություններ։ Սիսակը պատմության մեջ է մտել, երբ Սրբազան Հռոմեական կայսրության զորքերը Սիսակի ճակատամարտում ջարդում են թուրքական զորքերին, որը Բալկաններում թուքերին հետ մղելու առաջին լուրջ հաջողությունն էր։ Սավայի շրջանը անցնում է Հաբսբուրգների իշխանությանը։

Առաջին աշխարհամարտից հետո ամբողջ Խորվաթիայի հետ Սիսակը դառնում է Սերբերի, խորվաթների և սլովենացիների թագավորության մաս, իսկ ավելի ուշ` Հարավսլավիայի թագավորության մաս։

Երկրորդ աշխարհամարտի ժամանակ քաղաքի մերձակայքում ակտիվ գործողություն են ծավալել հակաֆաշիստական պարտիզանական ջոկատները, իսկ բուն քաղաքում ֆաշիստները ձևավորել են համակենտրոնացման ճամբար, որում ոչնչացվել են բազմաթիվ սերբեր, հրեաներ և գնչուներ։

Հարավսլավիայի տրոհումից հետո 1991 թվականին քաղաքը մտավ Խորվաթիայի կազմի մեջ։ Այս պատերազմի ընթացքում Սիսակը տուժել է սերբերի կրակոցներից։ Մարտական գործողությունների դադարից հետո քանդված ու վնասված շենքերը վերականգնվել են։ 1991-1992 թվականներին քաղաքում տեղի են ունեցել զանգվածային սպանություններ, որի արդյունքում սպանվել են բազմաթիվ սերբեր, ինչպես նաև մի քանի խորվաթներ և բոսնիացի մուսուլմաններ։

• 16-րդ դարի եռանկյունաձև ամրոց Կուպա և Սավա գետերի միջև
• Մալի Կապտոլ (Mali Kaptol) պալատ` բարոկկո ոճով, Վելիկի Կապտոլ (Veliki Kaptol) պալատ` կլասիցիզմի ոճով
• Կուպայի հին կամուրջ
• Սուրբ Խաչ եկեղեցի
• Հռոմեական Սիսցիա քաղաքի ավերակներ

• Գաբրովո^[4]

դ ք խ Խորվաթիայի քաղաքներ Մայրաքաղաք՝ Զագրեբ Բակար Բելի Մանաստիր Բելիշցե Բելովար Բենկովաց Բիոգրադ նա Մորու Բուվետ Բույե Վալպովո Վարաժդին Վարաժդինսկե Տոպլիցե Վելիկա Գորիցա Վինկովցի Վիրովիտիցա Վիս Ոդիցե Ոդնյան Վրբովեց Վրբովսկո Վրգորաց Վրլիկա Վրսար Վուկովար Գարեշնից Գլինա Գոսպիչ Գրոժնյան Գրուբիշնո Պոլյե Դարուվար Դելնիցե Ջուրջևաց Ջյակովո Դոնյի Միխոլյաց Դոնյա Ստուբիցա Դրնիշ Դուբրովնիկ Դուգա Ռեսա Դուգո Սելո Ժուպանյա Զաբոկ Զագրեբ Զադար Զապրեշիչ Զլատար Իվանեց Իվանիչ Գրադ Իլոկ Իմոտսկի Կանֆանար Կարլովաց Կաստավ Կաշտելա Կլանյեց Կնին Կոմիժա Կոպրիվնիցա Կորչուլա Կրալևիցա Կրապինա Կրիժևցի Կրկ Կուտինա Կոտևո Լաբինա Լեպոգլավա Լիպիկ Լուդբրեգ Մակարսկա Մալի Լոշին Մետկովիչ Մոտովուն Մուրսկո Սրեդիշչե Նաշիցե Նին Նովա Գրադիշկա Նովալյա Նովի Վինոդոլսկի Նովիգրադ Նովի Մարոֆ Նովսկա Օբրովաց Օգուլին Օզալ Օմիշ Օպատիա Օպուզեն Օրախովիցա Օրոսլավյե Օսիեկ Օտոչաց Պագ Պազին Պակրաց Պետրինյա Պլետերնիցա Պլոչե Պոժեգա Պորեչ Պրեգրադա Պրելոգ Պուլա Ռաբ Ռիեկա Ռովին Ռոչ Սամոբոր Սվետի Իվան Զելինա Սեն Սին Սիսակ Սկրադին Սլավոնսկի Բրոդ Սլատինա Սլուն Սոլին Սպլիտ Ստարի Գրադ Սուպետար Տրիլ Տրոգիր Ուբար Խվար Խրվաթսկա Կոստայնիցա Ցավտատ Ցրես Ցրիկվենիցա Չաբար Չազմա Չակովեց Շիբենիկ Յաստրեբարսկո Պորտալ:Խորվաթիա

Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Սիսակ (քաղաք) կատեգորիայում։

• Քաղաքի պաշտոնական կայք
• Տեղեկատվություն զբոսաշրջիկների համար