Магутнасць

Магутнасць
ISQ dimension	${\displaystyle {\mathsf {M}}{\mathsf {L}}^{2}{\mathsf {T}}^{-3}}$
Формула, якая апісвае закон або тэарэму	${\displaystyle P={\frac {\mathrm {d} E}{\mathrm {d} t}}}$[1]
Пазначэнне ў формуле	${\displaystyle P}$, ${\displaystyle E}$ і ${\displaystyle t}$
Сімвал велічыні (LaTeX)	${\displaystyle P}$
Рэкамендуемая адзінка вымярэння	ват[2][1]
Медыяфайлы на Вікісховішчы

Магутнасць
${\displaystyle N={\frac {dA}{dt}}}$
Размернасць	L2MT−3
Адзінкі вымярэння
СІ	Вт
СГС	эрг·с−1

Магу́тнасць – скалярная фізічная велічыня, якая характарызуе хуткасць выканання работы сілаю. Магутнасцю называюць фізічную велічыню, лікава роўную рабоце, выка- нанай за адзінку часу. Больш фармальна, магутнасць сілы - гэта вытворная яе работы па часе:

${\displaystyle P={\frac {dA}{dt}}}$

Для канечных адрэзкаў часу можна вызначыць сярэднюю магутнасць сілы як дзель работы на час, за які яна была выканана:

${\displaystyle P={\frac {A}{t}}}$

З улікам азначэння работы, формулу магутнасці можна перапісаць наступным чынам:

${\displaystyle P={\frac {dA}{dt}}={\frac {\mathbf {F} d\mathbf {r} }{dt}}=\mathbf {F} \cdot \mathbf {v} }$

Такім чынам, магутнасць сілы, якая дзейнічае на матэрыяльны пункт, роўная скалярнаму здабытку сілы і хуткасці матэрыяльнага пункта. Велічыня магутнасці складае здабытак абсалютных велічынь сілы, хуткасці матэрыяльнага пункта і косінуса вугла паміж імі.

Адзінкай магутнасці ў СІ з'яўляецца 1 ват (1 Вт). 1 ват — гэта магутнасць, пры якой работа ў 1 джоўль выконваецца за 1 секунду. Выкарыстоўваюцца кратныя адзінкі магутнасці: кілаваты (1 кВт = 1000 Вт), мегаваты (1 МВт = 1 х 10⁶ Вт).

• Ватметр
• Варметр
• Фазометр