Cadelanos

Sos cadelanos o catalanos sunt su populu chi bivet in Catalugna e, calicunu narat cun sentidu politicu, totus sos chi istant in sos Paisos Cadelanos.

Sos tretos in ue si chistionat su cadelanu si narant Paisos Cadelanos (Països Catalans). Pro more de s'aunimentu politicu a s'Ispagna, a sa Frantza e, pro cantu pertocat sa tzitade sarda de s'Alighera, prima a su Regnu de Sardigna in intro de su poderiu aragonesu e dapois a s'Italia, est difùndiu meda s'impreu de sas limbas ufitziales e/o regionales (ispagnolu, frantzesu e italianu), mancari sa zente sigat a foeddare fintzas su cadelanu. Mentres in Andorra su cadelanu si impreat comente limba ufitziale e, in sa Catalugna ispagnola, ind una situatzione de bilinguismu belle perfetu a pare cun s'ispagnolu, in sa Catalugna frantzesa e in s'Alighera si foeddat comente limba de contos de foghile, intro de domo.