Фашизм

Фашизм (италиялыы: fascio — "тутум", "сүгэһэр", "холбоһук") диэн уһук уонна ауторитар националист политика идеологията уонна корпоратист экономика идеологията.

Фашистар итэҕэйиилэринэн омуктар уонна расалар муҥура суох иирсээҥҥэ сылдьаллар, онон ордук модьу, тулуурдаах кыайыылаах буолуо, ол эбэтэр күүстээх мөлтөҕү тэпсэр. Фашистар биир партиялаах системаны туруулаһан көмүскүүллэр. Фашист дьаhалталара дьаhалтаны уонна фашист хамсааhыны критикалааhыны уонна утарааhыны боболлор уонна хам баттыыллар. Фашизм кылаастар иирсэннэрин, индивидуализмы, рационализмы, либерализмы, консерватизмы уонна коммунизмы утарар. Экономика эйгэтигэр, элбэх фашист басханнара экономика политикатыгар "Үһүс суолу" өйүүбүт диэн этэллэр, ол аата капитализм тус көҥүлүттэн уонна коммунизм ил хонтуруолуттан атын диэн. Историктар уонна политика үөрэхтээхтэрэ фашизм туhунан бүтүн кылгас быhаарыы була иликтэр.

• Рашизм