Pilu

Lu pilu (pl: pila) è la struttura suttili e filamintusa prisenti supra la peddi di l'omu e di li mammìfiri. È na furmazzioni còrnia filiformi e flissìbbili custituita di stelu, ràdiga e bulbu, ca si sviluppa supra l'epidèrmidi di l'omu e di li mammìfiri. Poti èssiri videmma la piddizza di l'armali (chidda dâ vurpi p'asempiu).

Pi lu màsculu di l'omu la palora pilu veni cullicata, nta lu sò mmagginariu, a la fìmmina e pricisamenti a la parti ìntima di idda.

Ginirarmenti nta l'talia si pò pinzari ca l'usu di sta palora nta lingua siciliana s'havi a arrifiriri ô fattu ca a l'omu sicilianu ci piaci assai la fìmmina pilusa. Nta l'Amèrica pi fari n'asempiu lu "toccu miditirràniu" nta li fìmmini arrisurta nu modu garbatu pi diri ca na fìmmina è pilusa assai o ca nun ci piaci di piliàrisi. La viritati è ca la palora "pilu" ntô sò usu ginèricu ìnnica sulu lu pilu di la ntimitati dâ fìmmina, nun tuttu lu pilu dû corpu ca, ô cuntraru, si chiama "li pila".

Ultra a l'asempi arripurtati supra, cci sunnu pruverbi e ditti antichi ca ùsanu la palora "pilu" pi innicari la fìmmina e la granni nfruenza ca chista havi nni li cunfrunti di l'omu:

• "Nu pilu di curnu fa firriari lu munnu !"

Puru granni pueti hannu usatu la palora "pilu" pi innicari la fìmmina, e cchiù pricisamenti la nfruenza asircitata pi causanza di lu sessu. Di la puisìa di Ninu Martoglio "Lu cummattimentu di Orlando e Rinardu":

• "Viditi quantu pò n pilu di fìmmina...."

"Cchiù pilu pi tutti!" è la pupulari sintenza prununziata dû atturi còmicu di urìggini siciliana Antoniu Albanesi quannu mpirsuna lu pirsunaggiu còmicu Cetto La Qualunque, nu pulìticu calabbrisi tintu e fàusu, ca havi disprezzu agghiri la natura, la tradizzioni e li fìmmini, ca va cunzidirannu comu nu strummentu d'addupirari a secunna dê situazzioni. La battuta signìfica prupiamenti: "Cchiù fìmmini pi tutti", "Cchiù sticchiu (o pacchiu) pi tutti".

• Tira cchiù assai nu pilu di sticchiu a testa ammuntata ca 100 vacchi attaccati a ratru a testa appinninu

• Minchia quantu pilu!

• 'U pilu è pilu, 'u pani è pani, 'u pilu è megghiu dô pani

• Chi pezzu di pacchiu (tìpica sprissioni Catanisa)

• Ma ca c'è la valli di lu pilu (tìpica sprissioni Siracusana)

• Lu pilu è bellu e la minchia fa burdellu, lu pilu è duci e la minchia jetta vuci (vulgari)

• Fàrisi 'u pilu â lingua - avennu parratu troppu

• Nun nni perdi pilu - chî carattarìstichi dî ginitura

• Vali cchiù un pilu di iddu ca vuiàutri tutti pari (Giuvanni Meli)

• Vinnìrisi macari li pila - vìnniri tuttu ca unu si pussedi

• Attaccari pila o circari pila o attruvari lu pilu ntra l'ovu - ( vali a diri "circari scaciuni")

• Apposta sta chitarra avìa ssu ntinnu, era accordata cu pili de cunnu

• Cchiù pilu pi tutti

• Li tò capiddi pàrinu li pila di lu nannu

• Pilu e contru pilu grapi li gammi ca ti l'anfilu! (vulgari)

• Scagghiola