استاد
استاد یا معلم اوہ فرد ہُندا اے جیہڑا تعلیم وِچ پڑھیار دی مدد تے رہنمائی کردا اے ۔ عمومن استاد پڑھیاراں نوں مُڈھلے تے ثانوی درجے دے سکولاں، کالجاں تے یونیورسٹیاں یا ہور تعلیمی اداریاں وچ تعلیم دیندے نیں ۔
کِسے وی معاشرے وچ استاد دا کردار طرزِ معاشرت اُتے منحصر ہُندا اے ۔ بُہت سارے معاشریاں وچ استاد یا استانی نوں صرف تعلیمی مضامین پڑھاوݨ دا ذریعا سمجھیا جاندا اے ۔ اک معلم دے فرائض وچ بُہت ساریاں چیزاں شامل نيں جداں کہ ہدایات، پیشا ورانا تربیت، سماجی بہبود دا شعور تے زندگی وچ کامیابی لئی ضروری صلاحیتاں ۔ استاد دا معاشرے وِچ اُچا مقام ہُندا اے کیونکہ اوہ معاشرے دی تعمیر کردا اے ۔