Diu

Diu (perfoés Diusse, o dit souvint ech Boin Diu) ch’est ch’nom qu’o donne à un ète obin unne forche absolus pi seurnaturel (à-heut d’el nature) qu’o créè pi/obin qui foait vive echl’unnivers. Ch’est un fondmint rligieus moais itou filosofike (Aristote, per egzimpe, conclut à chl’egzistinche à un Diu unnike « princhipe prunmier d’tertout » per el filosofie aprés avoér erjtè ches dius grecs) qu’o granmint d’conchepcions fort difrintes (cha put ète unne personne, un princhipe, un Ète, un Verbe – λόγος –, unne forche etc.). Diu il est toudis seurnaturel, dins tous ches rligions pi conchepcions.

El convincion ch’est qu’, quanqu’o parle d’ech Diu monotéisse à ches rligions abrahamikes (judaïme, cristianime pi islam) os écrit Diu avuc unne grand-lète. Quanqu’o parle d’un diu à unne erligion politéisse, dins unne mitologie ou eute, o n’met point d’grand-lète.

Ech Diu à ches Juis ch’est YHWH, ch’est itou ch’Diu à ches crétiens moais slon eus Jésus-Crisse il o révélè qu’Diu il est un pi unnike moais in troés personnes, ch’est l’Trinnitè. Por ches maroumétans, Diu il est un pi unnike pi i n’o mie troés personnes pi i s’apèle Allah.