Organic Maps : escorregudas ciclistas, caminadas, itineraris e percors guidats fòra de linha

Organic Maps es una aplicacion de mapas fòra linha centrada sus la confidencialitat, amb navigacion GPS, enregistrament de traças e planificacion d’itineraris per las caminadas, lo ciclisme, la corsa a pè e la conducha. Completament gratuita. Sens publicitat. Sens seguiment. Desvolopada amb amor per la comunautat del logicial liure e las meteissas personas qu’an creat l’aplicacion MapsWithMe/Maps.Me. Utiliza las donadas d’OpenStreetMap.

Un còp las mapas telecargadas, Organic Maps te permet de cercar de luòcs, planificar d’itineraris, enregistrar de traças GPS e navegar sens connexion a internet. Explòra de sendièrs isolats o viatja a l’estrangièr sens donadas mobilas ni còstes d’itinerància.

En octobre de 2026, Organic Maps a superat los 12 milions d'installacions. Ajuda-nos a créisser!

Teledescarga e installa Organic Maps de l’AppStore, Google Play, Huawei AppGallery, Obtainium, FDroid, Accrescent

Foncionalitats

Planifica de viatges, navega e explòra amb Organic Maps:

• De mapas detalhadas fòra de linha amb de luòcs que se tròban pas sus leis autreis mapas, gràcias a OpenStreetMap
• Enregistrament de traças GPS amb d’estatisticas en temps real
• Planificacion d’itineraris amb mantuns arrèsts e optimizacion automatica de lor òrdre
• Causís entre l’itinerari mai rapid e lo mai cort
• Navigacion pas a pas d’a pès, amb la bicicleta, l’automobila e guida de votz, CarPlay/Android Auto
• Planificacion d’itineraris de transpòrt public en autobús, tramvai, mètro e tren leugièr
• Recèrcas rapidas sus la mapa e fòra de linha
• Jaças d’itineraris de caminada, de ciclisme e de BTT
• Estil de mapa dedicat a las activitats de plen aire que met en evidéncia sendièrs, terrens de campatge, cabanas, abrics e fonts d’aiga
• Corbas de nivèl, cimas, pendents e perfils d’altitud per d’itineraris e de traças amb de donadas d’altitud
• Enregistra los itineraris planificats per de viatges futurs
• Impòrta, expòrta e parteja de marcapaginas e de traças GPS als formats KML/KMZ, GPX e GeoJSON
• Impòrta los luòcs enregistrats dins Google Maps dempuèi lo fichièr Saved Places.json de Google Takeout
• Còpia de seguretat e sincronizacion amb iCloud (iOS)
• Apond e modifica de luòcs dirèctament dins OpenStreetMap
• Mesura de distàncias en linha drecha amb l’aisina Règla
• Mòde fosc per protegir teis uelhs
• Articles de Wikipèdia per luòcs populars
• Imatges satellitàrias experimentalas amb l’URL d’un servidor de teulas que tu indicas
• Gratuit e de còde dobèrt

Perque chausir Organic?

Organic Maps es pur e organic e mai o fasèm amb amor:

• Respècta ta vida privada
• Esparnha la batariá
• A pas besonh de cargar una quantitat de donadas inesperadas

L'aplicacion Organic Maps escapa ais espiadors e autreis seguidors malins:

• Sensa anóncias
• Conten pas d'espiadors
• Sensa culhida de donadas
• Sensa enregistraments penibles
• Ges de tutoriaus obligatòris
• Sensa spam per corrier electronic
• Sensa notificacions push
• Sensa complements complicats
• Sensa pesticides Completament organic!

L'aplicacion es verificada per lo Projecte Exodus Privacy:

L'aplicacion iOS es verificada per TrackerControl per iOS:

Organic Maps demanda pas de permissions excessivas per t’espiar:

En cò d'Organic Maps, cresèm que la vida privada es un drech uman fondamentau:

• Organic Maps es un projècte independent, comunautari e dobèrt
• Gardam la vida privada de cadun deis espiadors dei Grandei Tecnologias
• Garda-te sauve e segur onte que te tròbes

Rebutar la susvelhança. Assegurar la libertat.

¡Assaja Organic Maps!

Cu paga per l'aplicacion a gratis?

L'aplicacion es a gratis per totei. Se vòles donar per nos ajudar!

Per donar aisidament, clica sus l'icòna de ton metòde de pagament preferit çai-sota:

Lei sponsors institucionals aimats çai-sota an fornit de subvencions ciblaas per cobrir d'unes còsts d'infrastructura e finançar lo desvolopament de novèlas foncionalitats seleccionadas:

	Lo projècte de melhorament de Recèrca e Fonts es estat finançat a travèrs del Fons NGI0 Entrust. Lo Fons NGI0 Entrust es establit per la Fondacion NLnet amb lo sosten financièr del programa Next Generation Internet de la Comission Europèa, jos l'egida de la DG Rets de Comunicacion, Contengut e Tecnologia jos l'acòrdi de subvencion No 101069594.
	Google a sostengut de projèctes d'estudiants dins lo programa Google Summer of Code pendent los programas 2022, 2023, 2024, 2025. De projèctes notables an inclús Android Auto, Extractor de dump de Wikipèdia, Enregistrament de traças Android.
	L'ISP Mythic Beasts nos fornís dos servidors virtuals amb fins a 400 TB/mes de largor de benda gratuita per albergat e servir de telecargaments e mesas a jorn de mapas.
	FUTO a autregat una micro-subvencion de $1000 a Organic Maps en febrièr de 2023.

Comunautat

Organic Maps es un programa liure disponible en vertut de la Licéncia Apatxe 2.0.

• Rejonh nòstre programa beta per ensajar de foncionalitats novèlas, suggerir d’amelhoraments e senhalar d’errors:
  • Beta de iOS (TestFlight)
  • Beta de Android (Firebase)
  • Beta de PC Linux (Flatpak)
  • Beta de PC Linux (paquets)
• Senhala d'errors ò de dificultats per lo seguidor d'errors ò manda-nos un corrier electronic.
• Debatre d'idèas ò prepausar de foncions.
• Marca-te a nòstre canau Telegram ò a l’ espaci matritz per èstre au corrent.
• Rejonh nòstre grop Telegram per charrar amb d’autrei utilizators.
• Visita nòstra pagina GitHub.
• Seguís lei noveutats sus FOSStodon, Facebook, Twitter, Instagram, Bluesky, Threads, Patreon, YouTube, Reddit, LinkedIn e TikTok.