Heilongjiang (en chinés: 黑龍江省 Hēilóngjiāng Shěng, en manchó: , sahaliyan ula), es una província de la Republica Populara de China situada al nòrd-èst del país. "Heilongjiang" vòl dire ‘’riu del drac negre’’, nom chinés del riu Amor. Son caractèr abreviat es 黑 (pinyin: Hēi). Lo nom manchó de la region es Sahaliyan ula ("riu Negre"), del qual deriva lo nom de l'illa de Sakhalin.
Lo riu Amor marca la frontièra entre la Republica Populara de China e Russia al nòrd. Heilongjiang conten lo punt mai septentrional de China (comtat de Mohe long de l'Amor) e lo punt mai oriental (a jonhent dels rius Amor e Ussuri).
Amb 38 milions d'abitants per 460 000 km2, Heilongjiang a una densitat de 81 abitants al quilomètre carrat, contra 136 en mejana en China. Qualques 95 % de la populacion aparten a l'etnia han, la pus importanta de China. Diferentas minoritats son tanben presentas sus lo territòri, dont los tongoses (manchó 1,04 milions, hezhen, 3910, ewenkis, 2706, oroqen, 3871), los coreans al sud-èst (390000), e mongòls (140000).
China
