Dick Taylor

Dick Taylor
Fødd	28. januar 1943 (81 år)
Fødestad	Dartford
Fødenamn	Richard Clifford Taylor
Opphav	Dartford i England
Aktiv	1962 - til i dag
Sjanger	Rock
Instrument	Gitar, bass
Tilknytte artistar	The Rolling Stones, The Pretty Things
Verka som	Musikar

Richard Clifford «Dick» Taylor (fødd 28. januar 1943) var ein av dei første bassistane for Rolling Stones. Han forlet band for å studere på Sidcup Art College og medan han var der danna han The Pretty Things i september 1963.

I juli 1962, medan Taylor var på Sidcup Art College, vart the Rolling Stones danna då tremannsbandet til Taylor, Mick Jagger og Keith Richards, Little Boy Blue and the Blue Boys, slo seg saman med Brian Jones og Ian Stewart og danna Rollin' Stones. Taylor spelte opphavleg sologitar, men måtte spele bass då Jones kom inn i bandet.

I november 1962 forlet Taylor bandet og Bill Wyman tok over som ny bassist i desember 1962.

Seinare i 1963 danna Taylor The Pretty Things i lag med Phil May og igjen fekk han spele gitar. Under ein pause frå The Pretty Things etter albumet S.F. Sorrow frå 1968 produserte Taylor debutalbumet til Hawkwind, der han òg spelte gitar. Han medverka til punkrock med ei innspeling med Auntie Pus, og på siste halvdel av 80-åra spelte Taylor gitar i post-punk-bandet The Mekons. Dei opphavlege medlemmane i The Pretty Things er framleis i bandet i dag og gav ut albumet Balboa Island i 2007.