Bergkunst

Bergkunst er eit arkeologisk omgrep brukt om symbol og bilete som er blitt måla, rissa eller skore ut i steinar, fjell eller berggrunn, som regel i førhistorisk tid.

Helleristingar er ei form av kunsten der figurar er skorne ut i berget, og er den vanlegaste forma for bergkunst i Skandinavia. Bergkunst kan òg finnast i fjellholer, som holemåleri.

I helleristingsområdet i Alta kan ein mellom anna sjå ein mann som fiskar. I Noreg er det vanleg å måla opp helleristingar med raudmåling.

Bergkunst er ein svært viktig historisk kjelde til korleis menneska levde i førhistorisk tid, særleg i steinalderen, som det finst få andre kulturlevningar frå. Ein kan til dømes lesa mykje om viktige matvegar, som jakt og fiske, ut frå kunsten. På den andre sida er det vanskeleg å vita kvifor kunsten er der–blei han laga for å hugsa, underhalda, utføra magi eller i samband med rituelle handlingar?

Kjende bergkunststader

Holemåleria i Lascaux i Frankrike står på UNESCO si verdsarvliste. Det same gjer helleristingsområdet i Alta.

Bakgrunnsstoff

Wikimedia Commons har multimedia som gjeld: Bergkunst

Bergkunst.net Arkivert 2005-03-10 ved Wayback Machine.
Truga bergkunst i Norge Arkivert 2007-02-17 ved Wayback Machine.
Om vern av bergkunst Arkivert 2005-11-20 ved Wayback Machine. ved Tromsø museum
Levande bergkunst i Mosambik Arkivert 2005-11-25 ved Wayback Machine.
Riksantikvaren om bergkunst

Litteratur

Gro Mandt og Trond Lødøen: Bergkunst : helleristningar i Noreg, Oslo Det Norske Samlaget 2005 ISBN 82-521-6227-4
Denne historieartikkelen er ei spire. Du kan hjelpe Nynorsk Wikipedia gjennom å utvide han.