Max Brinckman

Max Brinckman (* 18. Dezember 1846 in Goldbarg; † 22. Mai 1927 in Horborg) weer en Ünnernehmer un plattdüütschen Schriever.

Brinckman is 1846 as öllsten Söhn von Elise, borene Burmeister (1821–1904), un den plattdüütschen Schriever John Brinckman in Goldbarg boren. He is in Güstrow na School gahn un hett veer Johr lang in Rostock bi en Holthannel en Lehr as Koopmann maakt. Na de Lehr güng he na Hamborg un denn na Horborg. Dor hett he sik 1869 mit en Holthannel sülvstännig maakt. 1896 hett he de Harburger Leinoel- und Firnisfabrik Brinckman & Co. grünnt un 1906 de Harburger Oelwerke Brinckman & Mergell. 1913 is he Königlich Prüüßschen Kommerzienraad worrn.

1912 hett he en Book op Plattdüütsch schreven, in dat he ut siene Schooltied berichten deit. Dat Book is in Güstrower Platt schreven.

1908 hett Brinckman in Güstrow en Born mit de Figurn Voß un Swinegel stift, den Wilhelm Wandschneider maakt hett. De Born schall an John Brinckman denken laten.

Brinckman weer verheiraadt un harr den Söhn Max John Brinckman (25. Januar 1881-10. März 1963), de denn ok dat Leid över de Fabriken övernahmen hett.

• Allerhand Dummjungs-Geschichten ut mien Schooltid. Opitz, Güstrow 1912

• List vun plattdüütschen Schrievers

• Max Brinckman in de Datenbank Die niederdeutsche Literatur (hoogdüütsch)