Monako

Monako atau sacaro rasmi Kapangeranan Monako adolah sabuah nagara kota jo nagara mikro nan badaulaik di Riviera Parancih, babarapo kilometer di sabalah barat wilayah Itali Linguria, di Lauik Mediterania, Eropa Barat. Monako punyo bateh darat sapanjang 5,47 km (3,40 mil) jo garih pantai sakitar 3,83 km (2,38 mil) nan tapendek di dunia; lebanyo bavariasi antaro 1.700 jo 349 m (5.577 dan 1.145 kaki).^[1] Nagara ko babatehan sakitar 15 km (9,3 mil) jo Itali.^[2] Titiak tatingginyo jalur sampik banamo Chemin des Révoires satinggi 161 m (528 kaki).

Politik Monako balansuang dalam karangko monarki konstitusional, jo Pangeran sabagai kapalo nagara, sarato babarapo kuaso dilimpahkan ka babarapo badan penasehat jo legislatif.^[3] Cabang eksekutif tadiri dari Pardana Mantari sabagai kapalo pamarentahan, nan mamimpin limo anggota Dewan Pamarentah lainnyo.^[4] Hinggo tahun 2002, pardana mantari adolah urang Parancih nan diangkek pangeran dari kandidat nan diajuan dek pamarentah Parancih; namun sajak amandemen konstitusi tahun 2002, pardana mantari dapek urang Parancih atau Monégasque.^[5]

Total panduduak nagara ko adolah 38.400 pado tahun 2015, jo dipakirokan dek PBB manjadi 36.297 pado tahun 2023.^[6][7] Warga asli Monako, baiak nan lahia di nagara atau naturalisasi, disabuik Monégasque.^[8][9] Monako punyo harapan hiduik tatinggi di dunia hampia 90 tahun. Panduduak asli minoritas di nagara surang, dimano hanyo 21,6% dari kasadoan jumlah panduduak. Nan lainnyo Parancih (28,4%), Inggirih (7,5%), Belgia (2,8%), Jerman (2,5%), Swiss (2,5%) jo AS (1,2%).^[10] Manuruik studi tahun 2019, 31% panduduaknyo dilaporkan manjadi jutawan nan sataro jo 12.248 urang.