Liter
De Liter ass eng Moosseenheet fir de Volumen a gëtt als L oder l ofgekierzt.
D'SI-Eenheet fir de Volumen ass de Kubikmeter (m³), d'Formelzeechen ass V. De Liter gehéiert zwar net zum internationalen Eenheetesystem (SI), ass awer fir de Gebrauch mam SI zougelooss.[1] Doduerch ass de Liter eng gesetzlech[2] Moosseenheet.
Ee Liter entsprécht engem Kubikdezimeter (1 l = 0,001 m³ = 1 dm³). E Wierfel mat enger Kantelängt vun 10 cm (=1 dm) huet deemno e Volume vun engem Liter.
Déi gängegst ofgeleete Moosseenheete vum Liter sinn:
| Moosseenheet | Konversiounen |
|---|---|
| Mikroliter | 1 µl = 1 mm³ = 10−6 l |
| Milliliter | 1 ml = 1 cm³ = 1 „ccm“ = 1 „cc“ = 0,001 l = 1*10−6 m³ |
| Centiliter | 1 cl = 0,01 l = 10 ml |
| Deziliter | 1 dl = 0,1 l = 100 ml |
| Liter | 1 l = 1 dm³ = 10 dl = 100 cl = 1000 ml |
| Dekaliter | 1 dal = 10 l = 10 dm³ |
| Hektoliter | 1 hl = 100 l = 100 dm³ |
Referenzen
[Quelltext änneren]- ↑ „SI–Broschüre“: „Das Internationale Einheitensystem” (Physikalisch-Technische Bundesanstalt: PTB-Mitteilungen 117 (2007), Heft 2)
- ↑ opgrond vun der EU-Direktiv 80/181/EWG