Jaz

Jaz a myuuzik jaahra we arijiniet ina hAfrikan Amoerkan komiuniti ina Nyuu Aaliinz ina di Yunaitid Stiet juurin di liet 19t ah hoerli 20t senchri. It imoerj ina di faam a indipendant chradishanal ah papila myuuzikal stail, aal a dem lingk bai di kaman ban a hAfrikan Amoerkan ah Yuropiyan Amoerkan myuuzikal pierentij wid pofaamans orientieshan.^[1] Jaz span a piiriad a uoba wan onjrid ier, inkompas waid-waid rienj a myuuzik, so meki difikolt fi difain. Jaz mek ebi yuus a improvizieshan, paliridim, singkopieshan ah di suing nuot,^[2] azwel aspek a Yuropiyan aamani, Amoerkan papila myuuzik,^[3] di braas ban chradishan, ah hAfrikan myuuzikal eliment laka bluu nuot ah hAfrikan Amoerkan stail laka ragtaim.^[1] Alduo di foundieshan a jaz ruut diip ina di blak expiirians a di Yunaitid Stiet, difrah-difrah kolcha kanchribiut fi deh uona expiirians ah stail tu di aat faam azwel. Intilekchal rong di wol ielop jaz az "wan a Moerka arijinal aat faam".^[4]

1. ↑ ^{1.0 1.1} Hennessey, Thomas, From Jazz to Swing: Black Jazz Musicians and Their Music, 1917-1935. Ph.D. dissertation, Northwestern University, 1973, pp. 470-473.
2. ↑ Alyn Shipton, A New History of Jazz, 2nd edn., Continuum, 2007, pp. 4–5.
3. ↑ Bill Kirchner, The Oxford Companion to Jazz, Oxford University Press, 2005, Chapter Two.
4. ↑ Starr, Larry, and Christopher Waterman. "Popular Jazz and Swing: America's Original Art Form." IIP Digital. Oxford University Press, 26 July 2008.