Spricofluo

Spricofluo (spric-fluo) esas tre forta vento qua kustumale ventas ye 9 til 10 kilometri alte. Meteorologi parolas pri spricofluo se la vento ye ta altitudo havas rapideso de plu kam 100 kilometri po horo (vento-povo 11 o plu).^[1] Tre ofte plu alta rapidesi kam 350 kilometri p.h. atingesas.

Spricofluo konstante ocilas ye amba misferi de westo al esto cirkum la tero e konstante chanjas plaso. La plaso e direciono di la spricofluo esas determinanta por la plaso e movo di regioni dil alt- e la bas aeropreso e pro to, por la vetero. La spricofluo esas important aparajo di la generala cirkulo.

L'existo di la spricofluo montresis en 1926 da la Japoniana meteorologo Oishi Wasaburo per sequar teodolito per sondo-baloni. La deskovrinto pensis ke publikigar pri la spricofluo ne lektesus en la Japoniana, pro to il publikigis pri ol en Esperanto. Malgre to, il poke estimesis ed ankore hodie misagnoskesas en la ciencala mondo. Nur 20 yari pose Usani deskovris ilua verko.

Plu-tarda ciencala verko precipue dankesez ad exploristo Carl-Gustaf Rossby, segun qua nomesas l'ondi di Rossby en la spricofluo.