Springfield, Illinois

Springfield
Legifala palaco di Springfield, vidita del Avenuo Capitol.
Standardo
Lando:	Usa
Stato:	Illinois
Informo:
Latitudo:	39°41'54" N
Longitudo:	89°37'11" W
Altitudo:	170 m
Surfaco:	174,79 km²
Habitanti:	114 394 (2020)
Denseso di habitantaro:	722,16 hab./km²
Disto de Washington DC:	1274,6[1] km
Horala zono:	UTC-6 (UTC-5 dum la somero)
Urbestro:	Misty Buscher (R)
Mapo:
Oficala retosituo:
http://www.springfield.il.us

Springfield esas chef-urbo di Usana stato Illinois e sideyo dil komtio Sangamon. Segun la demografiala kontado di 2020, ol havis 116 250 habitanti en 2010, e 111 454 habitanti en 2000. Segun l'Usana Kontado Ministerio, Springfield havas entote 174,79 km², equivalanta a 67,49 mi²), di qui 158,41 km² (61,16 mi²) esas lando e la cetera esas aquo.

Springfield fondesis en 1819, ed en 1840 ol divenis chef-urbo dil stato. Lua maxim famoza rezidero esis Usana prezidanto Abraham Lincoln, qua komencis lua kariero politikala en Springfield. Lua biblioteko, lua domo e lua tombo en la Tombeyo Oak Ridge esas nune turistal atraktivi. NAACP anke fondesis en Springfield, la yaro 1909.

Segun la demografiala kontado di 2000, esis 111 454 personi, 48 621 hemanari, e 27 957 familii qui rezidis en la urbo. La denseso di habitantaro esis 796.9/km² (2063.9/mi²). Esis 53 733 domi kun mezvalora denseso di 384.2/km² (995.0/mi²). Segun raso, esis 81.01% Blanki, 15.34% Negri od Afrikan-Usani, 0.21% indijeni Amerikana, 1.45% Aziani, 0.03% Pacifik-insulani, 0.47% de altra rasi, e 1.49% de du o plura rasi, e 1.20% de la habitantaro esis Hispan-Amerikani o Latin-Amerikani de irga raso.

Esis 48 621 hemanari, di qui 27.5% havis pueri od adolecanti evante min kam 18 yari en la domo, 41.1% esis mariajita e habitis kune, en 12.9% muliero sen spozulo esis la domo-chefo e 42.5% esis ne-familii. En 36.1% de omna hemanari habitis nur 1 persono, e 11.7% habitesis da singla persono qui evis 65 yari o pluse. La mezvalora grandeso po hemanaro esis 2.24 personi e la mezvalora grandeso po familio esis 2.94 personi.

La procento di habitanti segun evo esis: 24.0% evante min kam 18 yari, 8.8% de 18 til 24 yari, 29.8% de 25 til 44 yari, 23.0% de 45 til 64 yari, e 14.4% evante 65 yari o pluse. La mezvalora evo esis 37 yari. Po singla 100 mulieri esis 88,6 viri. Po singla 100 mulieri evante 18 yari o pluse esis 84,6 viri.

La mezvalora revenuo po hemanaro en la urbo esis US$ 39 388, e la mezvalora revenuo po familio esis US$ 51 298. La mezvalora revenuo por la viri esis US$ 36 864, kontre US$ 28 867 por la mulieri. La revenuo per capita por la urbo esis US$ 23 324. Cirkume 11.7% de la habitantaro e 8.4% de la familii vivis sub la povreso-lineo, inkluzite 17.3% ek omna habitantaro evante min kam 18 yari, e 7.7% ek omna habitantaro evante 65 yari o pluse.