Polynesia

Polynesia
Instantia de: region, archipelago, group[*], region cultural[*]
Coordinatas: 16°51'10.660"S, 148°24'18.792"E
Continente: Oceania
Paises: Nove Zelanda, Francia, Chile, Statos Unite de America, Kiribati, Tuvalu, Samoa, Tonga, Insulas Pitcairn
ID VIAF: [315129038]
ID GeoNames: [7729901]
Commons: Polynesia

Polynesia^[1] (grec: πολύς multe, νῆσος insula) es le plu grande parte del insulas del Oceano Pacific, includente un area triangular con su puntas a Hawaii, Nove Zelanda, e Rapa Nui ("Insula Paschal").

Le linguas del habitantes original, le Polynesianos, forma un sub-branca del branca malayo-polynesian del familia Austronesian. Le Polynesianos era le prime population in Hawaii circa 400 EC, in Rapa Nui in approximatemente le mesme periodo, e in Nove Zelanda circa 1000 EC.

Melanesia era populate ante que Polynesia e il era pensate previemente que Polynesia era colonisate per Melanesianos, ma un comparison inter le ADN del Polynesianos de hodie e le restos del Polynesianos ancian revela que le population original non iva de Melanesia ma directemente de Asia continental.^[2]

Il ha un theoria que le Polynesianos iva a America del Sud ante le Europeos. Le evidentia que era considerate le plus dur es le presentia del batata (Ipomoea batatas) in Polynesia pre-Columbian e le possibilitate del presentia del gallo in Peru pre-colombian. Ma le evidentia del gallos es basate in ADN que era possibilemente contaminate^[3] e recerca genetic recentemente ha monstrate que le batata domesticate de Polynesia non es derivate del batata domesticate de America del Sud.^[4]

• Insulas Cook
• Polynesia Francese
• Insulas Hawaii
• Niue
• Pitcairn
• Rapa Nui o Insula Paschal
• Samoa
• Samoa Statounitese
• Tocelau
• Tonga
• Tuvalu
• Wallis e Futuna

Nota ben: Kiribati, un nation con insulas major in Micronesia, anque include insulas in Polynesia: Rawaki (Insulas de Phenice) e le plu del Insulas del Linea, includente Kiritimati (Insula Natal).

1. ↑ Derivation: Entitates: 1. (it) Polinesia || 2. (es) Polinesia || (pt) Polinésia || 3. (fr) Polynésie || 4. (en) Polynesia || Controlo: (de) Polynesien || (ru) Полинезия || - (Extra): (la) Polynesia
2. ↑ Articulo de Polynesia ex NY Times
3. ↑ Articulo de Polynesia ex National Geographic
4. ↑ Articulo de Polynesia ex NY Times