Charles Dickens
Charles John Huffam Dickens (7 de februario 1812 in Portsmouth, Anglaterra – 9 de junio 1870 in Higham, Kent, Anglaterre) esseva un autor anglese e critico social, reguardate como un del melior romanceros del era victorian. In su vita, ille ganiava fama international pro su operas e lor characteres memeorabile, e su capabilitates esseva laudate e per le populo e per criticos. Su romances e contos ja esse legite e gustate hodie.
Nascite in Portsmouth, Anglaterra, Dickens habeva a salir de schola pro travaliar in un fabrica quando su patre esseva incarcerate in un prision de debitores. Mesmo sin un education formal, su provessa juvene le causava perquirer successo. In su carriera ille editava un jornal pro 20 annos, scribeva 15 romances, 5 novellas, e centos de contos breve e essayos non-fictic. Simultaneemente, como critico social, ille campaniava pro le derectos infantil, education, e altere reformas social.
Dickens ganiava fama con le publication de The Pickwick Papers in 1836. In alicun annos ille deveniva un celebritate litterari international pro su humor, satira, e observation de societate. Su romances, publicate per mense o per septimana, le faceva un pionero del usage de publication serial, que rapidemente deveniva le modo dominante pro publicar romances in le era victorian.
Hodie, Dickens ja esse ben reguardate. Plure de su libros esse considerate operas classic del lingua anglese, e su novella de 1843, A Christmas Carol, esse un del plus influential operas in le mundo. Su capacitate litterari ha influentiate altere autores, como Leo Tolstoy e George Orwell, pro su realismo, comedia, usage de prosa, e criticismo social. Simultaneemente, ille esseva criticate per autores como Oscar Wilde, Henry James, e Virginia Woolf pro su sentimentalismo.
