Ադրբեջանի պետական պահպանության հատուկ ծառայություն
 | |
|---|---|
 Նկարագրություն | |
| Տեսակ | պետական մարմին |
| Տեղագրություն | Բաքու |
| Երկիր |  Ադրբեջան |
| Կազմված է մասերից | Special State Protection Service? և Q4158536? |
| Կառուցված | մայիսի 6, 2002 |
| Ավերվել է | մարտի 16, 2020 |
| Կայք | dmx.gov.az/index.html |
Ադրբեջանի պետական պահպանության հատուկ ծառայություն (ԱՊՊՀԾ) (ադրբ.՝ Azərbaycan Respublikasının Xüsusi Dövlət Mühafizə Xidməti), պետական ռազմական կազմակերպություն, որն ուղղակիորեն ենթարկվում է Ադրբեջանի նախագահին։
Ծառայությունը ապահովում է երկրի նախագահի և պետական մարմինների, ինչպես նաև Ադրբեջան այցելող օտարերկրյա կառավարությունների ու պետության ղեկավարների, նախագահի նստավայրի, Ազգային ժողովի, Սահմանադրական դատարանի, Արտաքին գործերի նախարարության, Կենտրոնական ընտրական հանձնաժողովի շենքերի անվտանգությունը։ Կազմակերպությունը կազմակերպում և ապահովում է պետական մարմինների միջև հաղորդակցությունը և դրա անվտանգությունը։
Պետական հատուկ ծառայությունը կառավարվում է Ադրբեջանի Սահմանադրությամբ, Ադրբեջանի օրենսգրքով[1]։
Պատմություն
[խմբագրել | խմբագրել կոդը]Ադրբեջանի պետական պահպանության հատուկ ծառայության պատմությունը սկսվում է 1931 թվականից, Ներքին գործերի ժողովրդական կոմիտեի 5-րդ հատուկ ստորաբաժանման ստեղծումով։ 1938 թվականին ստորաբաժանման 2-րդ բաժինը Բաքու քաղաքում ունեցել է Գործադիր մարմնի դեպարտամենտ։ 1991 թվականի դեկտեմբերի 5-ին Ադրբեջանի նախագահ Այազ Մութալիբովի № 485 հրամանով հրամանով ծառայությունը վերանվանվեց Ներքին գործերի նախարարությանն առընթեր գերագույն պետական և վարչական մարմինների պաշտպանության վարչություն։ Դեկտեմբերին կրկին Մութալիբովի հրամանով ստեղծվում է Ադրբեջանի Ազգային գվարդիան, որը մտնում է Պետական պահպանության հատուկ ծառայության կազմի մեջ։ 1992 թվականի փետրվարի 25-ից ստեղծվեց Նախագահի անվտանգության ծառայությունը և գերագույն պետական կառավարման և վարչական մարմինների անվտանգության ծառայությունը։ 2002 թվականի մայիսի 2-ին կառույցը վերանվանվեց Ադրբեջանի պետական պահպանության հատուկ ծառայություն։
Կապի և տեղեկատվական անվտանգության պետական հատուկ գործակալություն
[խմբագրել | խմբագրել կոդը]Գործակալությունը ստեղծվել է 2012 թվականի սեպտեմբերի 26-ին երկրի նախագահի № 708 հրամանով։ Գործակալության խնդիրն է` պետական հաղորդակցությունների, նախագահական հաղորդակցությունների, մասնագիտացված տեղեկատվական և հեռահաղորդակցման համակարգերի, միջգերատեսչական էլեկտրոնային փաստաթղթերի կառավարման համակարգի, կառավարական մարմինների ինտերնետային ցանցերի, դրանց ինտերնետային տեղեկատվական ռեսուրսների տեղեկատվական և ռեսուրսային կենտրոնում տեղակայումը, տեղեկատվական համակարգերի անվտանգության պարամետրերի մոնիտորինգը և անվտանգության ապահովումը։
Գործակալությունը ինֆորմացիոն անվտանգության ոլորտում մասնակցում է պետական քաղաքական ծրագրերի մշակման և դրանց կյանքի կոչման գործընթացին[2]։
Ազգային գվարդիա
[խմբագրել | խմբագրել կոդը]Ազգային գվարդիան ստեղծվել է 1991 թվականի դեկտեմբերի 25-ին և հանդիսանում է Ադրբեջանի կառավարության զինուժը։ Այն սկսեց ակտիվ գործել 1996 թվականի դեկտեմբերից։
Անձնակազմ
[խմբագրել | խմբագրել կոդը]Ուսումնական կենտրոն
[խմբագրել | խմբագրել կոդը]2007 թվականի նոյեմբերի 30-ին ստեղծվեց նորագույն սարքավորումներով հագեցած ուսումնական կենտրոն։
Տես նաև
[խմբագրել | խմբագրել կոդը]Ծանոթագրություններ
[խմբագրել | խմբագրել կոդը]- ↑ «AZƏRBAYCAN RESPUBLİKASI - XÜSUSİ DÖVLƏT MÜHAFİZƏ XİDMƏTİ». dmx.gov.az. Արխիվացված է օրիգինալից 2019 թ․ հունվարի 18-ին. Վերցված է 2019 թ․ մարտի 22-ին.
- ↑ CERT-MF. «О НАС» (անգլերեն). cert.gov.az. Արխիվացված է օրիգինալից 2019 թ․ մարտի 22-ին. Վերցված է 2019 թ․ մարտի 22-ին.