Década de 350

350

Artigo principal: 350.

O usurpador Magnencio, xeneral do exército do Rin, ocupa o trono imperial romano (até 353).

Artigo principal: 351.

15 de marzo - Constancio Galo é nomeado césar polo emperador Constancio II.
28 de setembro - Batalla de Mursa Major: Nas beiras do río Sava, en Panonia, e preto de Mursa (actual Osijek), o emperador romano oriental, Constancio II, derrota o usurpador Magnencio, mais non logra aniquilalo aínda.

Artigo principal: 352.

Rebelión en Galilea, no Norte de Palestina, que é desfeita polo xeneral do césar Constancio Galo, Ursicino, quen ordena unha forte represión, executando os revoltados.

Artigo principal: 353.

Verán - Batalla do Monte Seleuco: Na Galia, Constancio II, emperador romano de Oriente, vence ao usurpador Magnencio, preto de Lugdunum (actual Lión). Magnencio escapa con vida, pero suicidarase pouco despois.
- Constancio II fica como único emperador de Roma, tras a morte de Magnencio.

Artigo principal: 354.

Artigo principal: 355.

O xa de Persia, Sapor II, realiza campañas en Armenia e Mesopotamia (355-356).

11 de agosto - Sublevación na Galia: Claudio Silvano proclámase emperador de Roma. A súa tentativa apenas durará vinte e oito días, ao ser derrotado e morto polo xeneral Ursicino.
Os francos asedian Colonia, nas proximidades do limes xermánico. Os alamáns saquean cidades da Galia oriental como Lens, Autun e Troyes, instalándose na actual rexión de Alsacia.
- 6 de novembro - O emperador romano Constancio II, ante a gravidade suscitada polas rebelións internas e as ameazas dos pobos xermanos, nomea, en Mediolanum (Milán), césar a Xuliano, medio irmán do co-emperador Treboniano Galo.
- 1 de decembro - Xuliano inicia unha campaña na Galia, atacando a francos e alamáns e liberando as cidades damnificadas.
Decembro - O papa Liberio é desterrado a Tracia por negarse a sancionar os acordos arianos do recente sínodo de Milán. Constancio II nomea a Fiz II para substituílo.
Leis imperiais conceden que os bispos cristiáns só poderán ser xulgados por tribunais eclesiásticos, substraéndoos da xurisdición ordinaria.

Artigo principal: 356.

Sapor II, xa de Persia, continúa as campañas iniciadas contra Armenia e Mesopotamia.

O césar Xuliano prosegue as campañas iniciadas no ano anterior contra os pobos xermánicos que ameazan as fronteiras romanas do Rin.
Constancio II confirma todas as inmunidades outorgadas á Igrexa cristiá desde 343. Paralelamente ordéase pechar os templos pagáns e confiscar os seus bens.

Artigo principal: 357.

Iníciase, na China, o reinado de Fu Jian (até 385), emperador dos Qin Anteriores.

Agosto - Batalla de Argentoratum na que o césar Xuliano vence aos alamáns, mandados por Chnodomario, cerca de Argentoratum (actual Estrasburgo), restabelecendo a fronteira no Rin.
Inauguración do Concilio de Sirmium (até 359), que tenta restabelecer a unidade dogmática da Igrexa, dividida entre os partidarios de Nicea e os arianos.

Créase a biblioteca imperial de Constantinopla, estabelecéndose á par un obradoiro estatal de copistas de libros.

Artigo principal: 358.

Asentamento dos francos, como foederati de Roma, na zona que hoxe denominamos Brabante.
Cuados e sármatas tentan invadir Panonia, mais son rexeitados polo emperador Constancio II.
O papa Liberio regresa a Roma do seu exilio na Tracia.

Artigo principal: 359.

O emperador Constancio II derrota a godos e máis cuados na fronte do río Danubio, garantindo así a estabilidade da fronteira nororiental romana por varios anos.
Clausúrase o Concilio de Sirmium (inaugurado en 357), que tenta resolver a controversia entre niceanos e arianos, que divide a Igrexa.