Comunicazions
La comunicazion e je il scambi di informazions fra dai sogjets (o ogjets). La comunicazion a cjape dentri dai argoments tecnics (par esempli lis telecomunicazions) e sociâi (par esempli i gjornâi, la publicitât, i audiovisîfs e i mieçs di comunicazion di masse (massmedia).
La peraule comunicazion a ven di spes ancje doprade par i traspuarts.
Un model formâl di comunicazion:
[cambie | modifiche il codiç]Il singul at comunicatîf, che par solit al è bidirezionâl, al à i seguints element:
- l’emitent, vâl a dî chel che al à la informazion, che la codifiche e la mande fûr.
- il ricevint, che al è chel cal cjape il messaç, lu decodifiche, lu interprete e lu capìs.
- il codiç, che al pues jessi la lenghe fevelade o scrite, la imagjin e ancje il ton verbâl e no verbâl cun cui si forme il messaç.
- il canâl, che al è il mût cun cui si difont fisichementri il codiç (ondis sonoris, scrits e v.i.)
- il contest, che al è l'ambient esterni in cui si comuniche, messaçs che a son compagns ma che a si mandin in contests diviers à an significâts diferents.
- il contignût, val a dî l'ogjet de comunicazion.