Drupa

Drupa fruitu indehiszente mamitsu eta hezurdun bat da, pistilo karpelobakarretik eratorria. Epikarpo fina, mesokarpo mamitsua eta endokarpoa hezur gogor bihurtuta dauzka. Drupak dira esaterako arana, gerezia^[1] eta oliba.

Fruitu batzuk, drupa ugariz osatuak daude, mulkotan eratuak. Hauei polidrupa deritze. Horien artean daude esaterako masustak eta mugurdiak.

Drupa hitza latinezko drupa oliva esapidetik dator, oliba heldua esan nahi duena.

Druparen ezaugarri nagusiak dira perikarpo mamitsu bat (sarkokarpo izeneko mesokarpoa, epikarpo ehuntsu batek estalia) eta endokarpo gogorra (esklerifikatua, esklerokarpo izenekoa).

Perikarpoak mamia osatzen du eta sarri jangarria da. Hala ere, batzuetan ez da hala, Juglandaceae familian adibidez (intxaurra bezala), non perikarpoa ezin den jan.

Endokarpoak hazia osatzen du eta jatorria du karpeloaren barne epidermisean. Batzuetan, hazia da jangarria, adibidez intxaura eta arbendola.

Endokarpoa mamitsua bada, orduan baia bat da, adibidez datila (nahiz eta olibaren antza izan.

• gerezia, arana, arbeletxekoa, mertxika
• intxaurra, arbendola, pekan intxaurra
• oliba
• kafea
• mangoa
• kokoa

• masusta, mugurdia

• Baia
• Fruitu