Natalia Verbeke

Natalia Verbeke
(2016) Irudi gehiago
Bizitza
Jaiotzako izen-deiturak	Natalia Carolina Verbeke Leiva
Jaiotza	Caballito (Buenos Aires) eta Buenos Aires, 1975eko otsailaren 23a (49 urte)
Herrialdea	Espainia  Argentina
Bizilekua	Madril
Familia
Bikotekidea(k)	ikusi Miguel Abellán (en) Gonzalo Miró
Hezkuntza
Heziketa	RESAD
Hizkuntzak	gaztelania
Jarduerak
Jarduerak	antzerki aktorea, zinema aktorea eta telebista-aktorea

Natalia Carolina Verbeke Leiva (Buenos Aires, Argentina, 1975eko otsailaren 23a) espainiar nazionalizatutako argentinar aktorea da.^[1][2]

Nahiz eta Verbeke bere abizenaren jatorria herbeheretarra izan, hamaika urtera arte Argentinan bizi izan zen, azkenik bere familiak Madrilera joatea erabaki zuen arte. Arte Dramatikoaren Erret Goi Eskolan eta Juan Pastorrekin Guindalera Eskolan ikasi zuen. John Strasbergen eskutik "Profesionalentzako Antzezpena" ikastaroa ere jaso zuen. Dantza Garaikideko ikasketak ere baditu Josefina Tomásekin, flamenkorenak Miguel Sandoval, Carmen Romera eta Victor Ullatekin.

1998an "Un buen novio" filmarekin zinemaan hasi zen estreinako aldiz, Fernando Guillén Cuervorekin antzezle nagusi bezala, lan honegatik espainiar zinemaren aurpegi ederrenari eskaintzen zaion Max Factor Saria bereganatu zuen. Baina batez ere "Nadie conoce a nadie", "El hijo de la novia" eta, bereziki, "El otro lado de la cama" filmek jaurtiki zuten ospe eta arrakastara. Azkeneko bi filma horiengatik bi Onda Sari eskuratu zituen. "El otro lado de la cama" filmako antzezpenagatik Aktoreen Batasuneko aktoresa onenaren sarirako izendapena jaso zuen. "A golpes" filman Maria antzeztu zuen, taxilari gisa lan egiten zuen boxeolaria.

Antzerkigintzan William Shakespearen "Udako gau bateko ametsa" antzeztu zuen Ingalaterran. Telebistan "El pantano", "Al filo de la ley", "Los Serrano" eta "La Bella Otero" telesailetan parte hartu du.

2009ko otsailean "Doctor Mateo" telesailean lanean zebilen.