Deziro

Deziro
Aliaj projektoj
Deziro en Vikipedio
Deziro en Komuneja kategorio
Deziro en Vikivortaro

Deziro (el la latina desiderare "sopiri", "deziri") estas la ago konscie emi al io, aspiri posedon aŭ ĝuon de io aŭ esprimi al iu bonvolan esperon, ke li ĝuu ian feliĉaĵon.

^{NOTO: Krom en la referencitaj citaĵoj, la tradukoj inkluditaj en tiu ĉi sekcio estas propraj de la vikicitaristo, kiu aldonis ilin.}

	« Eble la plej profunda deziro konsistas en tio, ke transdoni sian deziron al iu alia. » — Jean Baudrillard, La fatalaj strategioj [1983]

	« Subjekto povas nur deziri — nur objekto povas tenti. » — Jean Baudrillard, La fatalaj strategioj [1983]

	« …la plej malbone estas esprimi deziron kaj ekvidi ĝian laŭvortan plenumon. La plej malbone estas ricevi ĝuste tian premion, kian oni deziras. » — Jean Baudrillard, La fatalaj strategioj [1983]

	« En la sonĝoj estis sekreto kaj Freud donis al ili sencon. La sonĝoj estis proksimaj al la sorto, Freud proksimigis ilin al la deziro. » — Jean Baudrillard, La fatalaj strategioj [1983]

	« La sonĝo estas plenvalora psika fenomeno. Ĝi estas plenumo de deziro. » — Sigmund Freud, Sonĝointerpretado [1899]

	« Sonĝoj de etaj infanoj estas tre ofte evidentaj plenumoj de deziroj kaj pro tio, malsame ol la sonĝoj de plenkreskuloj, estas preskaŭ tute ne interesaj. » — Sigmund Freud, Sonĝointerpretado [1899]

	« Konsiderante nian supozon pri la dua psika instanco, ni povas nun aserti: malagrabla sonĝo efektive enhavas ion, kio estas malagrabla por la dua instanco, sed samtempe plenumas deziron de la unua instanco. » — Sigmund Freud, Sonĝointerpretado [1899]

	« [...] la sonĝo estas (kaŝita) plenumo de (subpremita, repuŝita) deziro. » — Sigmund Freud, Sonĝointerpretado [1899]

	« Infanaj sonĝoj lasas eĉ ne etan dubon ke deziro, ne plenumita tage, povas iĝi iniciinto de la sonĝo. » — Sigmund Freud, Sonĝointerpretado [1899]

	« Sed ĝenerale mi opinias ke ĉe plenkreskulo ne plenumita tage deziro malsufiĉas por formiĝo de la sonĝo. Mi volonte konjektas ke venanta el konscia sfero deziro povas instigi la formiĝon de la sonĝo. Sed nur tion: la sonĝo tute ne formiĝus, se antaŭkonscia deziro ne ricevus subtenon el alia sfero. Tio estas sfero de nekonscio. » — Sigmund Freud, Sonĝointerpretado [1899]

	« [...] deziro, bildigata en la sonĝo, devas rilati al infanaĝo. » — Sigmund Freud, Sonĝointerpretado [1899]

	« Plejparto de la homoj estas konvinkitaj, ke se ilin ne devigas malkaŝe iu ekstera forto, do iliaj decidoj estas iliaj propraj, kaj se ili ion deziras, tio estas iliaj propraj deziroj. Tia imago pri si mem estas unu el niaj plej grandaj iluzioj. » — Erich Fromm, Fuĝo for de libereco [1941]

	« Nia tuta energio estas malŝparata por atingi tion, kion ni deziras, kaj plejparto de la homoj neniam ekpensis pri origino de tiu ĉi agado: ĉu ili scias kion ili efektive deziras, ĉu ili mem deziras atingi la celojn, al kiuj ili strebas. » — Erich Fromm, Fuĝo for de libereco [1941]

	« [pri la socia karaktero de la 20-a jarcento] Mi parolas pri la principo de tuja plenumo de ĉiu deziro kaj manko de obstakloj sur la vojo al kontentigo de ĉiu el ili. » — Erich Fromm, La sana socio [1955]

	« Mi havas Senmortajn sopirojn en mi. »   « I have Immortal longings in me. » — William Shakespeare, Antonio kaj Kleopatro

	« Mi ja deziras, ke ni estu pli bonaj fremduloj. »   « I do desire we may be better strangers. » — William Shakespeare

	« Animo al paradizo deziras, sed pekoj retiras. » — Zamenhofa proverbaro

	« Deziro kaj inklino ordonon ne obeas. » — Zamenhofa proverbaro

	« Deziru, ne deziru - ordon' estas, iru! » — Zamenhofa proverbaro

	« Malriĉigas ne nehavado, sed trogranda dezirado. » — Zamenhofa proverbaro

	« Homa konduto fluas el tri ĉefaj fontoj: deziro, emocio, kaj scio. » — Platono

	« Servi la korpon estas doni al ĝi ĉion, kio serĉas plezurojn kaj dezirojn kaj tion, kion ĝi deziras, sed en tio estas la detruo de la animo. » — Ali ibn Abi Talib, Ghur Al-Hikam

	« Ne timas tiu, kies menso ne pleniĝas je deziroj. » — Budho Gotamo, Dhammapada

	« La aviduloj neniam kontentiĝas per mono, nek amantoj de riĉeco per sia profito; do ankaŭ ĉi tio estas vantaĵo. » — Predikanto 5:9

	« Ĉiuj kredas tre facile ĉion, kion ili timas aŭ deziras. » — Jean de La Fontaine

	« Civilizo, en la vera senco de la fakvorto, konsistas ne en la multobligo sed en la intenca kaj libervola limigo de deziroj. Ĉi tio sole antaŭenigas veran feliĉon kaj kontenton kaj pliigas la kapablon por servo. » — Mohandas Karamchand Gandhi

	« La fina signifo de deziro estas morto. » — Rene Girard

	« Nuda mi serĉas la tendaron de tiuj, kiuj nenion deziras. »   « Nil cupientium Nudus castra peti. » — Horacio

« La Unua Vero estas aserto, ke ĉiu manifestita vivo estas malĝojo, krom se la homo scias vivi ĝin... la kaŭzo de malĝojo estas ĉiam deziro. Se viro havas neniujn dezirojn, se li ne strebas al loko aŭ potenco aŭ riĉeco, tiam li estas same trankvila ĉu la riĉeco aŭ pozicio venas aŭ ĉu ĝi iras. Li restas senĝena kaj serena. » — C. W. Leadbeater, Parolante pri la Kvar Noblaj Veroj en La Majstroj kaj la Vojo (1925)

	« Deziro estas malĝojo. » — William Somerset Maugham

	« Ni ĉiam strebas al malpermesitaj aferoj, kaj avidas tiujn, kiuj estis neitaj al ni. »   « Nitimur in vetitum sempre, cupimusque negata. » — Ovidio, Amorum (16 a.K.)

	« Sed se ili ne respondas al vi - tiam sciu, ke ili nur sekvas siajn proprajn dezirojn. Kaj kiu pli eraras ol tiu, kiu sekvas sian deziron sen gvidado de Dio? Ja Dio ne gvidas la malbonfarantojn. » — Korano 28:50

	« Estas du tragedioj en la vivo. Unu estas ne akiri la deziron de via koro. La alia estas akiri ĝin. » — George Bernard Shaw

	« Se oni kapablas profunde konscii pri la negativaj konsekvencoj de deziroj, oni ne implikiĝos en ili. » — Zhiyi

	« En la vivo estas du tragedioj. Unu estas ne atingi efektivigon de sia plej kara deziro. La dua estas atingi ĝin. » — George Bernard Shaw

• Strebo
• Celo
• Apetito
• Volupto
• Plezuro
• Peko