Oportuno

Oportuno estas brazila eldonejo de San-Paŭlo fondita en januaro 2004, publikiganta librojn kaj en la portugala kaj en Esperanto per sistemo de preso laŭ demando. Ĝi jam publikigis el pluraj libroj gravajn verkojn por la esperanta kulturo, kiaj Postmortaj rememoroj de Brás Cubas kaj Dom Casmurro, ambaŭ de la elstara brazila verkisto Machado de Assis (1859-1908), modele tradukitaj de Paulo Sérgio Viana.

Eldonejo Oportuno aperis en januaro 2004 atenta al tendenco de la eldona merkato, kiu estas la cifera sistemo de presado por malgrandaj eldonkvantoj. La fondintoj de tiu entrepreno tiel nomis ĝin, ĉar la cifera sistemo ekestigas oportunon por multaj aŭtoroj, tial ke la aŭtoroj mem povas plani eldonadon de siaj verkoj laŭ disponebla kapitalo kaj kontroli represadon laŭ bezono aŭ demando, kio ŝparas grandajn investojn kaj evitas nedeziratajn stokojn.

Rilate al tiu kontrolo de la aŭtoroj ĉe la eldonado, Oportuno jam sin prezentis per la jenaj vortoj: "kun via [de la aŭtoroj] partopreno, ni kunskribas gravan paĝon en la historio de la homa progreso, nome de la demokratio de sciado. Temas pri paŝo tiel signifoplena, kiel la popularigo mem de presado iniciatita de Gutenbergo en Mezepoko. Ni kredas je revoj. Ni prilaboras revojn. Inkluzive dekomence nin nutras la jena revo: helpi aliajn aŭtorojn realigi siajn revojn".

La eldonejo laboras kun poeziaĵojn, rakontojn, kronikojn, eseojn, romanojn, antologiojn, didaktikajn kajerojn kaj represojn de aliaj elĉerpitaj verkoj.

La teknikaj karakterizaĵoj de la eldonitaj produktoj de Oportuno kutime estas tiel, kiel sekvas jene:

Oportuno tenas katalogon da verkoj publikigitaj kaj en la portugala kaj en Esperanto. Por la esperanta kulturo, la eldonejo kontribuis per la jenajn librojn, enordigitaj alfabete:

• Amaj pensoj kaj nenia despera sento, de Elza Fernandes Pereira
• La divenistino kaj aliaj rakontoj, de Machado de Assis, tradukita de Paulo Sérgio Viana
• Dom Casmurro, de Machado de Assis, tradukita de Paulo Sérgio Viana
• Ekzerciĝu proverbare, kajero 1 (prepozicioj), de Joseo Tenorjo
• Ekzerciĝu proverbare, kajero 2 (korelativoj kaj adverboj), de Joseo Tenorjo
• Flugoj al vento, de Hazel de São Francisco
• Gravede, de Flavio Rebelo
• Jen, monosilaba antologio, de diversaj aŭtoroj
• Postmortaj rememoroj de Brás Cubas, de Machado de Assis, tradukita de Paulo Sérgio Viana
• Sezonvojoj/Caminhos das estações, de diversaj aŭtoroj
• La Spegulo, de Joseo Tenorjo

• Eldonejo Oportuno Arkivigite je 2008-07-23 per la retarkivo Wayback Machine (esperante)