Maurice Maeterlinck

Pangeran Maurice Polydore Marie Bernard Maeterlinck (ranak 29 Agustus 1862 – habis umur 6 Mai 1949 pas umur 86 tahun) adalah saikung panulis, panyair wan eseis filsafat Belgia matan panduduk babahasa Prancis. Inya mamanangakan Panghargaan Nobel Sastra 1911.

Imbah karirnya jadi pangacara kandas, inya bagawi lawan sabuting panarbit bahaluan maju. Lawan panarbitan kumpulan puisi, Serres chaudes (1889), rujukannya hagan mancampurakan kamunduran lawan unsur-unsur simbulis malabihi tingkat dongeng metafisik. Hal ngini mencuat dalam karya-karyanya.

Publik mulai manghargainya haratan Octave Mirbeau manulis artikel nang basipat antusias di Le Figaro imbah mambaca dramanya La princesse Maleine (1889). Karya lain haratan wayahtu adalah L'intruse (1890), Les aveugles (1890), Pelléas et Mélisande (1892), nang dipakai Claude Debussy sabagai libretto hagan operanya lawan ngaran nang sama, Alladines et Palomides (1894), Intérieur (1894), La mort de Tintagiles (1894) wan Aglavaine et Sélysette (1896). Imbah Douze chansons (1896) tarbitlah Ariane et Barbe-Bleu (1901), Monna Vanna (1902), Sœur Béatrice (1904), Le miracle de Saint Antoine (1904), L'oiseau bleu (1908), Marie Magdeleine (1909) wan karya minor lainnya nang cungul kada tapi rancak karana minat Maeterlinck dalam drama mansurut.

Inya mancurahakan diri dalam manulis esai filsafat wan ilmiah lawan pambalajaran metafisik nang kaya La vie des abeilles (1901), nang jadi buku nang payu di dunia, L'hôte inconnu (1917), La vie des termites (1926) wan La vie des fourmis (1930). Imbah pangungsiannya di Amerika Serikat salawas PD II, inya manarbitkan karya biografinya nang pauncitnya Bulles Bleues.

• Biografi dari belgium.be Archived 2007-09-30 at the Wayback Machine