Linguistik

Linguistik ento peplajahan (pelajaran) kaweruhan indik basa. Kruna linguistik mawit uli basa Latin lingua ane artine basa. Anake ane wruh miwah wikan ring kaweruhan linguistik ene kaadanin linguis^[1]. Linguistik mesikang peplajahan indik basa, teges basa, ajak basa di kontéks. Anak kapertama ané épot malajah ajak ngrunti basa ento Pāṇini ané nulis indik basa Sansekerta kuang-lebih di taun 500 SM^[2]. Linguistik ento kaweruhan ane mabuat pisan. Ngelah makudang-kudang pah-pahan sané suba nglimbak. Anut ajak objek kajiane ada ane kaadanin mikrolinguistik miwah makrolinguistik. Linguistik mikro utawi makrolinguistik nyelehin indik struktur internal basa inucap. Kerana di soang-soang basa ada subsistem basa, ennto mawinan di makrolinguistik ada subdisipline minakadi fonologi, morfologi, sintaksis, miwah semantik. Ada masi ane nyangkepang kaweruhann fonologi ajak morfologi ane kasengguh morfofonemik, keto masi yéning morfologi kajangkepang ajak sintaksis madan kajian morfosintaksis. mikrolinguistik pinaka dasar kaanggon mlajahin struktur eksternal basa ane kaadann makrolinguistik. Makrolinguistik mlajahin indik faktor-faktor eksternal basané ento. Ada liu pah-pahan ane rumasuk makrolinguistik minakadi sosiolinguistik, etnolinguistik, ekolinguistik,antropolinguistik, dialektologi miwwah ane len-lenan.

Linguistik nganggén basa pinaka objek. Ento awanan liu pesan objek kajian ane nyidaang kaselehin di linguistik. Cabang-cabang linguistik ento makadi:

Bidang Teoretis Umum:

• Teori Linguistik
• Linguistik Deskriptif
• fonologi
• morfologi
• sintaksis
• semantik
• Linguistik Historis Komparatif

Bidang Interdisipliner

• Fonetik
• Stilistika
• Filsafat Bahasa
• Psikolinguistik
• Sosiolinguistik
• Etnolinguistik
• Filologi
• Semiotika
• Epigrafi