ويكيبيديا:تنظيم البلوك

الصفحه دى صفحه سياسه رسميه فى ويكيپيديا مصرى.

السياسه بتشرح القواعد و الشروط اللى لازم كل اللى بيضيف أو يعدل فى ويكيپيديا مصرى يتبعها, السياسات بتبقى رسميه بعد مناقشه و اتفاق عليها و ممكن تتعدل أو تتلغى بنفس الطريقه.

اى يوزر ممكن يتمنع من التحرير فى ويكيپيديا علشان يتحمى مشروع ويكيپيديا من التخريب او تعطيل العمل المنتج.

• بلوك الأيپيات على طول ممكن يمنع يوزرات كتير من المساهمه, علشان كده الاحسن البلوك يكون مش أطول من من يوم واحد.
• البلوك لمدّه أطول من إسبوع يكون من غير منع فتح الحسابات من الاى پى الممنوع, علشان اليوزرات اللى عاوزين يساهموا بجد يقدرو يفتحو حساب و يشاركوا.

بلوك اى يوزر بيكون فى ظروف محدده و الاحسن يكون البلوك لمده مش طويله البلوك ممكن علشان يمنع:

• اللى بيخرّب المقالات
• كتابة معلومات غلط
• مسح الكلام من الصفح
• سپام لينك لسايتات برّانيّه
• كتابة كلام مالوش معنى فى الصفح
• سلوك عدوانى/تحرش
• استعمال اكتر من يوزر
• اسم يوزر مش مقبول
• اسلوب كلام مش مقبول

• المفروض مايكونش فيه مشكله لو البلوك كان علشان ظروف محدده و مش بسبب إختلاف بين أشخاص.
• المفروض نحاول دايما نفهم ليه كل يوزر كتب تعديلاته و ليه كتبه بالاسلوب ده.
• لو فيه سيسوپ عنده مشكله مع يوزر و شايف انه محتاج يمنعه علشان اختلافات فى وجهات النظر, الاحسن إن السيسوپ يطلب من سيسوپ تانى إنه يمنع اليوزر. ده بيدّى الفرصه لحد يتدخل بينهم و يحاول يوصل لحل.
• البلوك مش وسيله لكبت او منع رأى. يبقى لو شايف إن منعك غلط, الأول ناقش السيسوپ اللى منعك.