مولدوڤا

مولدوڤا، رسميا لجمهورية د مولدوڤا (ب رومانية Republica Moldova) هيّا دولة ماكاطلش على لبحر جات ف أوروپا شرقية. كاتحدها من لجنوب رومانيا، ؤ أوكرانيا من ݣاع جّوايه لخرين.

لأغلبية د لأراضي د مولدوڤا د دابا كانت بلاد مستاقلة من لقرن 14، و كانت سميتها "لإمارة د مولدوڤا". ف 1812، عطاتها الدولة لعتمانية (اللي كانت عندها سلطة عليها) للإمبراطورية د روسيا. من مورا التورة لبولشوڤية، ستاقلات لبلاد و دخلات ف 1918 مع رومانيا وولأّو بلاد وحدا. ف 1924، دخل لإتحاد السوڤياتي للمنطقة و حتلها. فاللول دخلات لمنطقة طرف من أوكرانيا، ولكن ف 1940 ولاّت بوحدها، و تسمات لجمهورية السوڤياتية لإشتراكية د مولدوڤا. نهار 27 غشت 1991، من مورا ما طاح لإتحاد السوڤياتي، علنات لبلاد لإستقلال ديالها، و سمّات راسها لجمهورية د مولدوڤا.

تيسكنو ف مولدوڤا شويا كتر من 2.6 مليون د الناس و لعاصمة ديالها هي كيشيناو. لّوغة رّسمية ديال لبلاد هيّا لمولدوڤية، اللي كاين اللي كيحسبها لغة، و كاين اللي تيقول باللي هي دارجة د رّومانية.^[1] لفلوس اللي كاتخدّم هي اللييو لمولدوڤي. هي داخلة مع بزاف د لمنضمات دولية بحال لأمم لمتحدة و لمجلس ديال أوروپا و منضمة التجارة لعالمية و لكومنولت د لبلدان لمستاقلة.

عيون لكلام

^ "ما هي اللغة المنطوقة في مولدوفا؟ اللغة الرسمية للمولدافيين".^{[ليان مهرس ديما]}

تقدر تزيد شوف بزاف د تّصاور و لمعلومات ديال Moldova ف ويكيميديا كومنز.

هادي زريعة ديال مقالة خاصها تّوسع. تقدر تشارك ف لكتبة ديالها.

[1] "ما هي اللغة المنطوقة في مولدوفا؟ اللغة الرسمية للمولدافيين".^{[ليان مهرس ديما]}

[1]