Concarneau

Concarneau
Alministración
País	Francia
Organización territorial	Francia metropolitana
Defense and Security zone of France (en)	Western defense and security zone (en)
Rexón	Bretaña
Departamentu	Finistère
Tipu d'entidá	comuña de Francia
Alcalde de Concarneau (es)	André Fidelin
Nome oficial	Concarneau (fr)
Códigu postal	29900
Xeografía
Coordenaes	47°52′31″N 3°55′08″W / 47.8753°N 3.9189°O
	Concarneau Concarneau (Francia)
Superficie	41.08 km²
Altitú	6 m, 0 m y 106 m
Llenda con	Saint-Yvi, La Forêt-Fouesnant, Melgven y Trégunc
Demografía
Población	20 607 hab. (1r xineru 2021)
Porcentaxe	2.24% de Finistère
Densidá	501,63 hab/km²
Más información
Estaya horaria	UTC+01:00 (horariu estándar); UTC+02:00 (horariu de branu)
Llocalidaes hermaniaes	Bielefeld y Penzance
	concarneau.fr…

Concarneau n'idioma francés y oficialmente, Konk-Kerne en bretón, ye una llocalidá y comuña francesa del departamentu de Finistère, na rexón de Bretaña.

Toponimia

El nome de la población apaez so la forma de "Conc" en 1279 y yá a partir de 1489 como Concarneau. El primer elementu Conc- significa en bretón ensenada o pequeña badea, anque tamién podría tratase d'un préstamu del llatín que significaría "concha". El segundu elementu -kerneo significaría en bretón Cornouaille. Concarneau significaría por tanto badea o concha de Cornouaille.

Historia

Concarneau surdió na Alta Edá Media sobre una pequeña islla accesible a marea baxa que domina una pequeña badea, lo qu'ufiertaba una proteición natural tantu pa los habitantes como pa les embarcaciones. La so situación privilexada favoreció'l so desenvolvimientu, adquiriendo nel sieglu XIII o a principios del sieglu XIV el so aspeutu actual arrodiáu dafechu de muralles. Mientres la Edá Moderna Concarneau allugaba una guarnición militar permanente y una población pesquera, siendo les sos muralles ameyoraes por Vauban ente 1680 y 1694.

Cola Revolución industrial la ciudá tresfórmase y empieza a espandise fora de les muralles cola construcción de cases pa la burguesía a lo llargo de los muelles esteriores. A mediaos del sieglu XIX apaecen les primeres conserveríes especializaes na sardina y nel atún, asitiando al puertu de Concarneau como unu de los más importantes de Francia. Escontra 1900 la ciudá cunta con 30 conserveríes qu'empleguen a unes 2000 persones (d'una población total de 7000 habitantes). Esta actividá va dir tornando tres la Segunda Guerra Mundial, magar Concarneau sigui siendo anguaño un importante puertu pesqueru (primer puertu francés pal atún y sestu pa la pesca de baxura) con un importante sector de construcción naval. A estes actividaes xune'l so interés turísticu, surdíu dende finales del sieglu XIX cuando s'estableció na ciudá una importante comunidá de pintores.

Llugares y monumentos

La mayoría de monumentos d'interés atópense na llamada "Ville Close", un castru de 380 metros de llargor por unos 100 d'anchor dafechu arrodiáu de muralles, accesible dende tierra firme por un únicu llugar y que constitúi l'antiguu centru históricu.

Les muralles: les actuales daten del sieglu XVI y foron reformaes por Vauban.
El campanariu comunal (beffroi) que data de 1906.
La Casa del Gobernador (sieglu XVIII).
La Capiya del Rosario data del sieglu XV y funcionó darréu como cuartel y como cooperativa de pescadores. Anguaño ta integrada al Muséu de la pesca.
Muséu de la pesca.
Los restos de l'antigua Ilesia de Saint Guénolé, edificada en 1830.
Castiellu de Kériolet (pela redolada de la ciudá).

Demografía

Evolución demográfica de Concarneau
1793	1800	1806	1821	1831	1836	1846	1851	1856	1861	1866	1872	1876	1881	1886	1891	1896	1901	1906	1911	1921	1926	1931	1936	1946	1954	1962	1968	1975	1982	1990	1999	2007
2 000	1 561	1 608	1 511	1 984	1 816	2 100	2 289	2 372	2 767	3 555	4 463	4 745	5 191	5 684	5 991	6 500	7 635	8 007	7 263	6 170	5 995	5 815	5 878	10 519	10 341	15 907	17 801	18 759	17 984	18 630	19 453	20 280
Pa los censos de 1962 a 1999 la población llegal correspuende a la población ensin duplicidaes (Fonte: INSEE [Consultar])

Deporte

Equipos de fútbol: US Concarneau

Ciudaes hermaniaes

Bielefeld Alemaña
Mbour Senegal
Penzance Reinu Xuníu
Burela España (en procesu d'hermanamientu)

Semeyes

Ville Close
Beffroi y entrada al centru históricu.
Puertu deportivu.
Puertu deportivu.
Puertu deportivu.
Vista de los estelleros y de les instalaciones del puertu.
Puertu deportivu.
Castiellu de Kériolet.
Sablera de "Sables Blancs".
Vista de les muralles dende'l puertu.
Signac - Regata en Concarneau - 1891.

Referencies

↑ «code officiel géographique». Consultáu'l 6 xineru 2019.
↑ ^2,0 ^2,1 Tienes d'especificar urlarchivu = y fechaarchivu = al usar {{cita web}}.«répertoire géographique des communes». Institut national de l'information géographique et forestière (2015).

Enllaces esternos

Sitiu web oficial (en francés)

Concarneau n'OpenStreetMap.
INSEE

[a6c673b6cebdcba3d6702004513c2ffcbdd20e17-1] «code officiel géographique». Consultáu'l 6 xineru 2019.

[6c5fb4f95547c20421068d2fef20002224246960-2] 2,0 ^2,1 Tienes d'especificar urlarchivu = y fechaarchivu = al usar {{cita web}}.«répertoire géographique des communes». Institut national de l'information géographique et forestière (2015).

[1]

[2]