Biofísica
 | Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
La biofísica ye la ciencia qu'estudia la bioloxía colos entamos y métodos de la física. Alderícase si la biofísica ye una rama de la física o de la bioloxía. Dende un puntu de vista pue concebise que les conocencies ya enfoques acumulaos na física "pura" puen aplicase al estudiu de los sistemes biolóxicos. Nesi casu la biofísica aporta conocencies a la bioloxía, pero non a la física. Exemplos nesi sen son la física de l'audición, la biomecánica, etc.
Otros estudiosos consideren qu'esisten rames de la física qu'han desendolcase a fondu como problemes físicos venceyaos a la materia viviente. Ansí, por exemplu, los polímeros biolóxicos (como les proteínes) nun son lo suficientemente grandes como pa podelos tratar como un sistema mecánicu, a la vez que nun son lo suficientemente pequeños como pa tratalos como molécules simples n'igua. Los camudamientos enerxéticos qu'asoceden demientres una reaición química catalizada por una enzima, o fenómenos como'l acoplamientu químicu-osmóticu paecen requerir más d'un enfoque físicu teóricu fonderu que d'una evaluación biolóxica.
Ente esos dos estremos apaecen torgues como la xeneración y propagación del impulsu nerviosu onde se requier d'un pensamientu biolóxicu, más un pensamientu físicu ansí como dalgo cualitativamente nuevu qu'apaez cola visión integradora del problema.
Una subdisciplina de la biofísica ye la dinámica molecular, qu'intenta esplicar les propiedaes químiques de les biomolécules al traviés de la so estructura y les sos propiedaes dinámiques y d'equilibriu.
Una cuestión central na biofísica ye la necesidá o non de nueves lleis de la física pa esplicar les propiedaes de la materia viva. La gran mayoría de los autores s'enclinen por considerar que nun ye necesariu camudar nenguna de les lleis cimeres de la física pa entender los sistemes biolóxicos.
Ver tamién
[editar | editar la fonte]Referencies
[editar | editar la fonte]Enllaces esternos
[editar | editar la fonte]Wikimedia Commons acueye conteníu multimedia sobre Biofísica.
