Metallica

Metallica
Datos
Tipu	grupu musical
Miembros	Lars Ulrich, James Hetfield, Robert Trujillo, Kirk Hammett, Cliff Burton, Dave Mustaine, Jason Newsted, Ron McGovney y Lloyd Grant
Xéneru	Thrash metal y heavy metal
Sellu discográficu	Warner Bros. Records; Megaforce Records; Elektra Records; Vertigo; Mercury Records; Universal Music Group; Virgin EMI Records
País	Estaos Xuníos
Orixinarios de	Los Angeles
Fecha fundación	28 ochobre 1981
	Web oficial

Metallica ye una banda de Heavy metal y Thrash metal norteamericanu orixinaria de Los Angeles, pero con base en San Francisco dende febreru de 1983.

Historia

Metallica foi fundada en 1981 en Los Angeles pol batería danés Lars Ulrich y el guitarrista y cantante James Hetfield, a los que se-yos xuniríen Lloyd Grant y Ron McGovney. Estos dos músicos fueron dempués sustituyíos pol guitarrista Dave Mustaine y el baxista Cliff Burton, Mustaine foi despidíu un añu dempués d'ingresar na banda por cuenta de la so escesiva adicción al alcohol y la so actitú violenta, fundando'l so propiu proyeutu musical: Megadeth. Mustaine foi sustituyíu por Kirk Hammett, ex guitarrista d'Exodus. Per otra parte, en 1986, la muerte de Cliff Burton nun accidente d'autobús en Suecia provocó la entrada al grupu de Jason Newsted quien, tres el so abandonu quince años más tarde, sería sustituyíu pol baxista actual, Robert Trujillo.

A la fecha, la banda editó nueve discos d'estudiu. Les ventes totales de Metallica superen los 100 millones, y considérase-yos parte de los cuatro grandes del Thrash metal, xunto con Megadeth, Slayer y Anthrax, de los cualos Metallica ye claramente'l más popular, superando inclusive l'ámbitu del Heavy metal en sí mesmu, y convirtiéndose nun artista de Rock "mainstream".

Amás, el grupu consiguió numberosos premios musicales, ente los que destaquen nueve "Grammys", dos premios daos pola cadena musical MTV, dos gallardones de l'Academia de Música Americana (American Music Awards) y un premiu de la revista Billboard, amás de tener una estrella nel "Paséu de la Fama" de la revista Kerrang!

Discografía

Kill 'Em All (1983)
Ride the Lightning (1984)
Master of Puppets (1986)
... And Justice for All (1988)
Metallica (1991)
Load (1996)
ReLoad (1997)
St. Anger (2003)
Death Magnetic (2008)
Hardwired... to Self-Destruct (2016)
72 Seasons (2023)

Referencies

Enllaces esternos

Sitiu web oficial (n'inglés)

Metallica en Facebook

Metallica en Twitter