Renania-Palatinato
| Renania-Palatinado Rheinland-Pfalz | |||||
| Estau d'Alemanya | |||||
| |||||
 Mapa de situación en Alemanya | |||||
| Entidat • Estau |
Estau Alemanya
| ||||
| Capital | Maganza | ||||
| Idioma oficial • Atros idiomas |
Alemán Franco moselán, ripuario renano y meridional | ||||
| Superficie • Total |
19 853.36 km² | ||||
| Gubierno • Ministro president |
Malu Dreyer | ||||
| Población • Total (2013) • Densidat |
3 994 000 hab. 196 hab/km² | ||||
| ISO 3166-2 | DE-RP | ||||
| Pachina web oficial | |||||
Renania-Palatinato (en alemán Rheinland-Pfalz) ye un d'os 16 estaus federaus d'Alemanya. Tien una superficie de 19.846 km² y ye trescruzau por o Rin y o Mosela. A suya capital ye Maganza (Mainz). Atras ciudaz importants son Kaiserslautern, Treveris, Coblenza y Ludwigshafen.
Cheografía
[editar | modificar o codigo]Con o 42% d'a suya superficie cubierta por selvas, ye l'estau mas boscoso d'Alemanya de conchunta con Hesse. Os prencipals ríos d'o estau son o Rin y o Mosela. En a rechión d'Eifel se troban cuantos lacos de crater d'orichen volcanico, o mas gran d'os cuals ye Laacher See.
A montanya mas alta d'o país ye Erbeskopf en Hunsrück con 816,32 m sobre o livel d'a mar.
Historia
[editar | modificar o codigo]Renania-Palatinato s'establió en 1946 dimpués d'a Segunda Guerra Mundial, en partis d'os antigos estaus de Prusia (parti d'a suya provincia de Renania), Hesse y Bavera (o suyo antigo districto de Palatinato), por l'administración militar francesa en os territorios ocupaus por os Aliaus en Alemanya. Renania-Palatinato pasó a formar parti d'a Republica Federal d'Alemanya en 1949 y compartió a sola buega d'o país con o Protectorau de Sarre dica que iste zaguer tornó a o control alemán en 1957.
Demografía
[editar | modificar o codigo]| 1950 | 1961 | 1970 | 1980 | 1990 | 2000 | 2015 |
|---|---|---|---|---|---|---|
| 3.004.784 | 3.417.116 | 3.645.437 | 3.642.482 | 3.763.510 | 4.034.557 | 4.052.803 |
Organización politico-administrativa
[editar | modificar o codigo]As diez ciudaz mas importants son:
| Puesto | Nombre | Población en 2017 | Area (km²) | Densidat (Hab/km2) |
|---|---|---|---|---|
| 1 | Mainz | 215,110 | 98 | 2,201 |
| 2 | Ludwigshafen am Rhein | 168,497 | 77 | 2,176 |
| 3 | Coblenza | 113,844 | 105 | 1,082 |
| 4 | Treveris | 110,013 | 117 | 940 |
| 5 | Kaiserslautern | 99,684 | 140 | 714 |
| 6 | Worms | 83,081 | 109 | 764 |
| 7 | Neuwied | 64,661 | 87 | 748 |
| 8 | Neustadt an der Weinstraße | 53,353 | 117 | 456 |
| 9 | Espira | 50,931 | 43 | 1,192 |
| 10 | Bad Kreuznach | 50,484 | 56 | 909 |
Lista de ministro-presidents de Renania-Palatinato
[editar | modificar o codigo]| Ministro-presidents de Renania-Palatinato | |||
|---|---|---|---|
| Nombre | Partiu politico | Lechislatura | |
| 1 | Wilhelm Boden | Christlich Demokratische Union Deutschlands | 1946-1947 |
| 2 | Peter Altmeier | Christlich Demokratische Union Deutschlands | 1947-1969 |
| 3 | Helmut Kohl | Christlich Demokratische Union Deutschlands | 1969-1976 |
| 4 | Bernhard Vogel | Christlich Demokratische Union Deutschlands | 1976-1988 |
| 5 | Carl-Ludwig Wagner | Christlich Demokratische Union Deutschlands | 1988-1991 |
| 6 | Rudolf Scharping | Sozialdemokratische Partei Deutschlands | 1991-1994 |
| 7 | Kurt Beck | Sozialdemokratische Partei Deutschlands | 1994-2003 |
| 8 | Malu Dreyer | Sozialdemokratische Partei Deutschlands | 2003-hue |
Cultura
[editar | modificar o codigo]Luengas
[editar | modificar o codigo]Astí se charra tamién Franco moselán, Franco renano y Franco palatín.
Gastronomía
[editar | modificar o codigo]A cocina de Renania-Palatinato ye determinada por as suaus temperaturas d'o Rin y o Mosela. Un producto d'exportación important ye o vin. As virollas mas conoixidas son Pfälzer Saumagen, Weck, Worscht un Woi, Lewwerknepp, Spundekäs y Handkäs.
En Hunsrück, pero tamién mas enta allá, a la chent le fa goyo minchar bolas de masa farcidas (bolas de trunfa farcidas de carne picada, salchicha de figado, etc., seguntes a rechión).
En a buega con Francia tamién son populars platos como que Flammkuchen u Zwiebelkuchen.
En o norte de Renania-Palatinato i hai Kröbbelsche y Döppekooche.
En a rechión de Treveris i hai Terdisch.
Datos: Q1200
Multimedia: Rhineland-Palatinate / Q1200