Luisa Fernanda Rudi Úbeda
Luisa Fernanda Rudi Úbeda (Sevilla, 13 d'aviento de 1950) ye una politica aragonesa, miembro d'o Partido Popular y activa en politica d'ambito espanyol y aragonés. Ha estau senadora designada por as Corz d'Aragón, deputada en as Corz d'Aragón, deputada en o Congreso d'os Deputaus, alcaldesa de Zaragoza (1995-2000), primera presidenta d'o Congreso d'os Deputaus (2000-2004), deputada en o Parlamento Europeu (2004-2008), presidenta d'o Gubierno d'Aragón en la VIII Legislatura (2011-2015) y presidenta d'o Partido Popular de Aragón (2008-2017).
Biografía
[editar | modificar o codigo]Luisa Fernanda Rudi Úbeda naixió o 13 d'aviento de 1950, en a ciudat de Sevilla. Naixió d'a ciudat andaluza debiu a que su pai, aragonés d'orichen navarro, yera militar y yera astí destinau. Dimpués, vivió tres anyos en l'Aaiún, Sahara Espanyol. Más tardi tornoron ta Zaragoza, a on fixoron a suya residencia y ha viviu a mayor parti d'a suya vida, dica que prencipió a suya carrera politica y se tresladó ta Madrit. Poco antis d'estar elechida candidata pa l'alcaldía de Zaragoza se tresladó ta la ciudat.
Dimpués de cursar o Bachiller, estudió Profesorau Mercantil en a Escuela de comercio de Zaragoza y más tardi, en 1979, l'acreditación profesional d'auditor-censor churau de cuentas, exercendo como directora de l'aria de contabilidat d'una empresa. Posteriorment aprebó as oposicions d'Auditora de cuentas d'o Estau (funcionaria d'o Grupo A). Ye casada con José Sobrino Ducay.
Trachectoria politica
[editar | modificar o codigo]En as eleccions chenerals de l'anyo 1982 se presentó como candidata d'Alianza Popular, partiu en o que ingresó en ixe mesmo anyo, en a coalición AP-PDP-UL, encara que no obtenió un escanyo en o congreso. En a primera lechislatura d'as Corz d'Aragón (1983-1987) desempenyó o cargo de deputada en istas corz. Cesó d'o cargo cuan fue elechida deputada nacional en as eleccions chenerals de 1986, un atra vegada en representación d'Alianza Popular. En os comicios chenerals d'o 29 d'octubre de 1989 renovó o suyo cargo como deputada, a los que concurrió con o numero uno d'a lista d'o PP d'Aragón por a provincia de Zaragoza. Poco dimpués, en 1993, fue reelechida deputada popular por Zaragoza.
Alcaldesa de Zaragoza (1995-2000)
[editar | modificar o codigo]
En as eleccions municipals d'o 28 de mayo de 1995 a o Concello de Zaragoza, a candidatura d'o PP encabezada por Luisa Fernanda Rudi tenió un 46,85 % d'os votos,[1]. Traducius a una mayoría simpla de 15 concellers sobre un total de 31,[1][2] Rudi fue investida alcaldesa de Zaragoza, a primera muller en desempenyar o cargo. Con ello remató amás un período ininterrompiu de gubiernos municipals d'o PSOE de toda a democracia.[3]
En as eleccions municipals d'o 13 de chunio de 1999 a candidatura d'o PP, de nuevo encabezada por Rudi, mantenió os suyos 15 concellers,[4] encara que perdió cuasi 30.000 votos respecto a los anteriors comicios. Rudi revalidó un nuevo mandato como alcaldesa, investida por a mayoría simpla de 15 concellers d'o Partido Popular.[5] Renunció como alcaldesa o 30 de marzo de 2000 y fue succedida por o suyo tenient d'alcalde, José Atarés.[6]
Presidenta d'o Congreso d'os Deputaus (2000-2004)
[editar | modificar o codigo]En as eleccions chenerals de l'anyo 2000 fue elechida deputada estando cabeza de lista por Zaragoza. O día 5 d'abril d'ixe mesmo anyo, fue elechida como a primera muller presidenta d'o Congreso d'os Deputaus d'Espanya,[7] cargo que conservó dica o 19 de chinero de 2004.
Ixe mesmo anyo, se celebroron o 13 de chunio, as eleccions a o Parlamento Europeu, en as que, Luisa se presentaba como numero 2 d'o Partido Popular a livel nacional. En a Eurocamara estió miembro d'a Comisión de Mercau Interior y Protección a o Consumidor y presidenta d'a Delegación Interparlamentaria d'o Magreb.[8]
Tornada ta Aragón y presidenta d'a DChA (2011-2015)
[editar | modificar o codigo]O 8 de noviembre de 2008, fue elechida presidenta d'o Partido Popular de Aragón.[9]
En as eleccions autonomicas celebradas en Aragón, o 22 de mayo de 2011, a lista encabezada por Rudi como candidata a la presidencia d'a Deputación Cheneral d'Aragón por o Partido Popular, consiguió un 39,82% d'os votos (30 escanyos de 67) y a suya lista se situó como a más votada d'a Comunidat Autonoma.[10]
En chunio de 2011 plegó a un pacto con o PAR, que en istas elecciones obtenió 7 escanyos. Gracias a iste pacto consiguió alcanzar a mayoría absoluta, lo que la convirtió en presidenta d'a Deputación Cheneral d'Aragón. O día 13 de chulio, fue investida presidenta d'a Deputación Cheneral por as Corz d'Aragón.[11]
O 12 de mayo de 2012, Rudi fue reelechida presidenta d'o PP d'Aragón con o 90,51 por ciento d'os votos emitius.[12] Ista fortaleza interna conlevó que estase una d'as primeras candidatas autonomicas en estar confirmada por a dirección nacional d'o partiu, en febrero de 2015.[13]
O 30 de marzo d'o mesmo anyo, Rudi sinyó o decreto de disolución d'as Corz d'Aragón, como paso previo a la convocatoria d'elecciones autonomicas. Asinas se remató a VIII lechislatura, marcada por a segunda recesión d'a crisis, o incumplimiento d'o teito de deficit en 2013 y 2014, a inestabilidat en a Consellería d'Hicienda, con tres consellers distintos, l'aprebación de 43 leis y o prencipio d'a recuperación economica.[14][15]
O 24 de mayo de 2015 se celebroron as eleccions autonomicas en as que o Partido Popular tornó a ganar con un 27,50% d'os votos (21 deputaus).[16] Manimenos, como o PP no podría tornar a gubernar ni sisquiera con o refirme de Ciudadanos y o PAR, Rudi comunicó a os suyos colaboradors más amanaus que no renovaría como presidenta d'o Partido Popular de Aragón.[17]
O 3 de chulio, o candidato socialista Javier Lambán fue investiu en as Corz d'Aragón con o refirme de Podemos, CHA y IU como o noveno president d'a Deputación Cheneral d'Aragón relevando asinas a Rudi.[18]
Senadora (2015-actualidat)
[editar | modificar o codigo]
O 28 de chulio fue elechida por as Corz d'Aragón como senadora por a Comunidat Autonoma.[19] O 10 de mayo de 2017 fue nombrada portavoz d'o Grupo Territorial de senadors d'o PP por Aragón.[20]
O 25 de marzo de 2017, en o XIII Congreso Autonomico d'o Partido Popular de Aragón, Rudi fue relevada d'a presidencia d'o partiu por l'alavez alcalde de Tarazona, Luis María Beamonte.[21]
O 22 de octubre de 2017, Rudi fue elechida una d'os 27 senadors d'o Partido Popular pa la comisión d'o Senau que tramitó l'aplicación de l'artíclo 155 d'a Constitución dimpués de l'ocurriu en Catalunya a radíz d'o referéndum d'autodeterminación de l'1-O.[22]
O 5 de setiembre de 2019 fue reelechida senadora por designación d'as Corz d'Aragón, cargo que mantendría dica o 16 d'agosto de 2023.[23] Dende o 23 de chulio de 2023 ye senadora electa por a provincia de Zaragoza.[24]
Reconoiximientos y distincions
[editar | modificar o codigo]En octubre de 2008 fue distinguida con a medalla d'oro d'a ciudat de Zaragoza, chunto a los atros exalcaldes que tenió a ciudat en a etapa democratica: Sáinz de Varanda, González Triviño y Atarés.[25]
O 23 de abril de 2016, Rudi recibió de mans d'o suyo succesor en o cargo, Javier Lambán, a medalla d'Aragón con motivo d'o desempenyo d'a suya faina como presidenta d'o Gubierno d'Aragón mientres l'anterior lechislatura.[26]
Referencias
[editar | modificar o codigo]- ↑ 1,0 1,1 (es) Zaragoza: el PP dobla su representación y roza la mayoría absoluta. ABC
- ↑ (es) (es) Rudi logra la alcaldía de Zaragoza y el Par tendrá la llave del Gobierno. Javier Torrontegui, El País, 29 de mayo de 1995
- ↑ (es) "El Partido Popular obtiene la victoria en la Comunidad de Aragón con mayoría relativa". La Vanguardia.com. 29 de mayo de 1995. http://hemeroteca.lavanguardia.com/preview/1995/05/29/pagina-26/33781482/pdf.html.
- ↑ (es) "El PP se mantiene y el PSOE sube, pero el PAR decidirá". La Vanguardia.com. 14 de chunio de 1999. http://hemeroteca.lavanguardia.com/preview/1999/06/14/pagina-44/34478415/pdf.html.
- ↑ (es) Constitución de ayuntamientos, ABC, 4 de chulio de 1999, pach. 25
- ↑ (es) Inaugurado el memorial de José Atarés en la avenida que lleva ya su nombre en Zaragoza, Heraldo de Aragón, 20 de marzo de 2015}}
- ↑ (es) "Rudi, con el 94 por ciento de los votos, se convierte en la primera Presidenta de las Cortes". ABC.es. 6 d'abril de 2000. http://hemeroteca.abc.es/nav/Navigate.exe/hemeroteca/madrid/abc/2000/04/06/017.html.
- ↑ (es) "Luisa Fernanda Rudi: «Todavía me llaman la alcaldesa»". ABC.es. 8 de chinero de 2012. http://www.abc.es/agencias/noticia.asp?noticia=1059449.
- ↑ (es) "El 11 Congreso del PP de Aragón elige a Luisa Fernanda Rudi como nueva presidenta con el 84,4% de los votos". Aragón Digital.com. 8 de noviembre de 2008. http://www.aragondigital.es/asp/noticia.asp?notid=52787&secid=3.
- ↑ (es) "Rudi: «Trabajaré para que Aragón dé un salto adelante»". El Periódico de Aragón.com. 23 de mayo de 2011. http://www.elperiodicodearagon.com/noticias/temadia/rudi-trabajare-aragon-salto-adelante_674238.html.
- ↑ (es) "Luisa Fernanda Rudi es elegida nueva presidenta de Aragón". Aragón Digital.es. 13 de chulio de 2011. http://www.aragondigital.es/asp/noticia.asp?notid=85308&secid=3.
- ↑ (es) "Rudi reelegida presidenta del PP-Aragón por un 90,51% de los votos". Heraldo.es. 13 de mayo de 2012. http://www.heraldo.es/noticias/aragon/2012/05/12/rudi_reelegida_presidenta_del_aragon_con_los_votos_187525_300.html.
- ↑ (es) El PP confirma a Cospedal, Herrera, Rudi y Diego como candidatos
- ↑ (es) "Acaba una legislatura marcada por la crisis, la desafección política y la ausencia de pactos". Heraldo.es. 30 de marzo de 2015. http://www.heraldo.es/noticias/aragon/2015/03/30/acaba_una_legislatura_marcada_por_crisis_desafeccion_politica_ausencia_pactos_348572_300.html.
- ↑ (es) "El agujero de 742 millones fuerza a la DGA a ajustar en todas las consejerías". El Periódico de Aragón.com. 26 de agosto de 2015. http://www.elperiodicodearagon.com/noticias/temadia/agujero-742-millones-fuerza-dga-ajustar-todas-consejerias_1049030.html.
- ↑ (es) "El PP gana en Aragón pero se le complica la posibilidad de gobernar". Heraldo.es. 24 de mayo de 2015. http://www.heraldo.es/noticias/aragon/2015/05/24/el_gana_aragon_psoe_segunda_fuerza_escrutado_362613_300.html.
- ↑ (es) "Rudi será senadora autonómica y no se presentará a la reelección en el PP". El Periódico de Aragón.com. 28 de mayo de 2015. http://www.elperiodicodearagon.com/noticias/elecciones/rudi-sera-senadora-autonomica-no-presentara-reeleccion-pp_1029509.html.
- ↑ (es) "Javier Lambán, investido presidente del Gobierno de Aragón con el apoyo de Podemos, CHA e IU". Heraldo.es. 3 de chulio de 2015. http://www.heraldo.es/noticias/aragon/2015/07/03/javier_lamban_investido_presidente_con_apoyo_podemos_cha_iu_376740_300.html.
- ↑ (es) "Iglesias y Rudi ya son senadores". El Periódico de Aragón.com. 29 de chulio de 2015. http://www.elperiodicodearagon.com/noticias/temadia/iglesias-rudi-ya-son-senadores_1042977.html.
- ↑ (es) "Rudi, nombrada portavoz del Grupo Territorial de senadores del PP por Aragón". El Periódico de Aragón.com. 10 de mayo de 2017. http://www.elperiodicodearagon.com/noticias/aragon/rudi-nombrada-portavoz-grupo-territorial-senadores-pp-aragon_1200442.html.
- ↑ (es) "Beamonte, nuevo presidente del PP Aragón, se dejará «la piel» por su proyecto". Heraldo.es. 25 de marzo de 2017. http://www.heraldo.es/noticias/aragon/2017/03/25/beamonte-nuevo-presidente-del-aragon-dejara-piel-por-proyecto-1166505-300.html.
- ↑ (es) "Rudi, entre los senadores elegidos por el PP para la comisión que tramitará la aplicación del 155". Heraldo.es. 22 d'octubre de 2017. http://www.heraldo.es/noticias/nacional/2017/10/22/el-mete-garcia-escudero-comision-constitucional-para-que-presida-del-155-1203290-305.html.
- ↑ (es) "Rudi y Sánchez-Garnica, elegidos senadores autonómicos". El Periódico de Aragón. https://www.elperiodicodearagon.com/noticias/aragon/rudi-sanchez-garnica-elegidos-senadores-autonomicos_1384015.html.
- ↑ (es) Luisa Fernanda Rudi (PP) alcanza las cuatro décadas en cargos públicos, como Revilla y Margallo. Público. 2 d'agosto de 2023
- ↑ (es) "Los alcaldes democráticos de la ciudad reciben las medallas de oro con los partidos divididos por la concesión a Triviño". Aragón Digital.com. 4 de octubre de 2008. http://www.aragondigital.es/noticia.asp?notid=51564&secid=4.
- ↑ (es) "Rudi, con la sensación del deber cumplido, reivindica la pasión política". Heraldo.es. 23 d'abril de 2016. http://www.heraldo.es/noticias/aragon/2016/04/23/rudi-con-sensacion-del-deber-cumplido-reivindica-pasion-politica-844527-300.html.
Se veiga tamién
[editar | modificar o codigo]
| Predecesor: Marcelino Iglesias Ricou |
Presidenta d'Aragón 13 de chulio de 2011 - 5 de chulio de 2015 |
Succesor: Javier Lambán Montañés |
| Predecesor: Federico Trillo Figueroa |
Presidenta d'o Congreso d'os Deputatos 1996 - 2004 |
Succesor: Rodolfo Aínsa Escartín |
| Predecesor: Antonio González Triviño |
Alcaldesa de Zaragoza 1995 - 2000 |
Succesor: José Atarés Martínez |
| Predecesor: Gustavo Alcalde |
Presidenta d'o Partido Popular de Aragón 2008 - 2017 |
Succesor: Luis María Beamonte |
| Control d'autoridaz |
|
|---|
Datos: Q2746850
Multimedia: Luisa Fernanda Rudi / Q2746850
- Alcaldes de Zaragoza
- Alcaldes d'o Partido Popular de Aragón
- Alumnos d'a Universidat de Zaragoza
- Deputaus en as Corz d'Aragón por a circumscripción electoral de Zaragoza
- Deputaus d'a I Lechislatura d'as Corz d'Aragón
- Deputaus d'a VIII Lechislatura d'as Corz d'Aragón
- Deputaus d'a IX Lechislatura d'as Corz d'Aragón
- Deputaus en o Congreso d'os Deputaus por a provincia de Zaragoza
- Deputaus d'a III Lechislatura d'o Congreso d'os Deputaus
- Deputaus d'a IV Lechislatura d'o Congreso d'os Deputaus
- Deputaus d'a V Lechislatura d'o Congreso d'os Deputaus
- Deputaus d'a VII Lechislatura d'o Congreso d'os Deputaus
- Deputaus d'a VIII Lechislatura d'o Congreso d'os Deputaus
- Deputaus d'a IX Lechislatura d'o Congreso d'os Deputaus
- Eurodeputaus d'Espanya
- Gubierno Rudi
- Naixius de Sevilla
- Politicos d'Aragón
- Politicos d'o Partido Popular de Aragón
- Presidents d'a Deputación Cheneral d'Aragón
- Presidents d'o Partido Popular de Aragón
- Senadors por designación d'as Corz d'Aragón
- Senadors por a provincia de Zaragoza
- Senadors d'a X Lechislatura d'Espanya
- Senadors d'a XI Lechislatura d'Espanya
- Senadors d'a XII Lechislatura d'Espanya
- Senadors d'a XIII Lechislatura d'Espanya
- Senadors d'a XIV Lechislatura d'Espanya
- Senadors d'a XV Lechislatura d'Espanya
- 1950 (naixencias)