Comunismo

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O comunismo ye un sistema teorico d'organización social y un movimiento politico. Se basa en a propiedat colectiva d'os medios de producción. Como movimiento politico, o comunismo aspira a establir una sociedat sin de clases socials. O comunismo ye una fuerza politica important dende os comencipios d'o sieglo XX, por un regular ligata con as ideyas marxistas, encara que bi ha escuelas politicas no marxistas que tamién se consideran comunistas.

O comunismo esfiende a conquista d'o poder por o proletariato (clase treballadera), a extinción por sí mesma d'a propiedat privata d'os medios de producción, y por lo tanto a desaparición d'as clases como categorías economicas, lo que, finalment, levaría a la extinción d'o Estato como ferramienta de dominación d'una clase sobre un atra.

Adoptó a bandera roya con una falz y un martiello cruzatos (simbolo d'a unión d'a clase treballadera y o campesinato), y dende o suyo orichen tenió caracter internacionalista, encara que o estalinismo recuperó o discurso nacionalista d'a "mai Rusia" antis d'a Segunda Guerra Mundial, a la que a propaganda sovietica dició "gran Guerra Patriotica".

• Karl Marx
• Anticomunismo
• Socialismo
• Anarquismo