Mannetjies Roux

Mannetjies Roux
Volle naam	Francois Du Toit Roux
Geboortedatum	12 April 1939 (1939-04-12) (85 jaar oud)
Geboorteplek	Victoria-Wes, Suid-Afrika
Lengte	1.7 m
Massa	72.6 kg
Skool	Paarl Boys High
Eggenote	Charlotte
Kinders	2
Beroep	Boer, Lugmagvlieënier
Rugbyloopbaan
Loopbaan as speler
Posisie(s)	Senter
Springbokno.	367
Amateurspanne
Jare	Klub / span	Weds	(pte)
	Stellenbosch, Weermag, Victoria-Wes
Provinsiale- / Staatspanne
Jare	Klub / span	Weds	(pte)
1960 1961 1965	Westelike Provinsie Noord-Transvaal Griekwaland-Wes
Nasionale span(ne)
Jare	Land	Weds	(pte)
1960-1970	Suid-Afrika	27	(30)

Francois Du Toit "Mannetjies" Roux (gebore 12 April 1939) is 'n voormalige Suid-Afrikaanse rugbyspeler. Hy het in 27 toetse gespeel, 6 keer as vleuel en 21 keer as senter, waartydens hy 6 drieë gedruk het.

Mannetjies het in 1959 saam met die Junior Springbokke na Argentinië getoer. Hy het in 1960 die eerste keer vir die Springbokke gespeel teen Wallis op Cardiff Arms Park. In 1962 speel hy in drie toetse teen die Britse Leeus in Suid-Afrika. Hy sal altyd onthou word vir sy wettige duikslag op die Leeu, Richard Sharp; hy het Sharp se wangbeen gebreek in die proses. Mannetjies sal altyd onthou word vir die insident in die 1969/70 "betogertoer" na die Britse Eilande toe hy 'n betoger met die bal gegooi het. Hy was ook deel van die Springbokspan in 1970 wat die All Blacks 3-1 getroef het.

In 1970 het hy die Griekwaland-Wes span aangevoer wat die Curriebeker, teen alle verwagtinge, gewen het teen Noord-Transvaal. Ian Kirkpatrick was Griekwaland se afrigter en sy wedstrydplan vir die eindstryd was eenvoudig: "wanneer Mannetjies die bal kry, moet die ander veertien net by hom uitkom. Julle sal nie weet wat hy gaan doen nie, maar hy weet ook nie, maar dinge sal gebeur as hy die bal kry!" Dit het gebeur en Griekwaland wen 11-9.

• 30 Super Springboks. Paul Dobson. 1995. ISBN 0-7981-3411-9

Mannetjies Roux by www.genslin.us/bokke