ڈنمارک میں اردو

اردو بلحاظ ملک و علاقہ جات
افریقا موریشس
ایشیا ایران بنگلہ دیش بھارت پاکستان ترکی چین جاپان قطر کرغیزستان متحدہ عرب امارات میانمار نیپال سری لنکا
یورپ برطانیا ڈنمارک جرمنی چیک جمہوریہ روس سویٹزرلینڈ سویڈن فرانس ناروے
امریکین ٹرینیڈاڈ و ٹوباگو سرینام کینیڈا گیانا
اوقیانوسیہ آسٹریلیا فجی
باب اردو زبان
د ب ت

ڈنمارک کی کل آبادی میں ایک اندازے کے مطابق ہند و پاک سے آکر بسنے والے اردوداں اصحاب کی تعداد پچاس ہزار ہے۔ یہ آبادی دھیرے دھیرے بڑھ بھی رہی کیونکہ نئے تارکین وطن یہاں آکر آباد ہو رہے اور یہ لوگ اپنے زبان و ادب کو لے کر حساس ہو رہے ہیں۔^[1]

ڈنمارک میں دو نجی مدارس میں باقاعدہ اردو کی تعلیم کا انتظام ہے۔ اس کے علاوہ یہاں کی کچھ مساجد میں بھی اردو پڑھائی جاتی ہے۔^[1]

ڈنمارک کے شاہی کتب خانہ میں اردو داں طبقے کی بڑھتی تعداد کے پیشِ نظر الگ سے اردو کتابوں کے لیے جگہ مختص کی گئی ہے۔ اس کے علاوہ یہاں کے ریڈیو کی جانب سے پانچ بیرونی زبانیں بشمول اردو میں خصوصی نشریات کا انتظام 1950ء سے شروع ہوا تھا۔ یہ سلسلہ بعد میں منقطع ہو گیا۔^[1]

ڈنمارک میں دو ایف ایم ریڈیو کی خدمات جاری ہیں جو بھارتی اور پاکستانی نژاد لوگوں کی جانب سے چلائے جا رہے ہیں۔^[1]

ڈنمارک میں اردو زبان کے فروغ کے لیے دو انجمنیں قائم کی گئی ہیں۔ اس کے علاوہ یہاں اقبال اکیڈمی بھی قائم کی گئی ہے۔ اس کے بانی اور صدر غلام صابر ہیں جنھوں نے کئی تصانیف لکھی ہیں۔ ان کی ایک کتاب "اسلام اور سائنس" کو پاکستان کا صدارتی ایوارڈ بھی دیا گیا ہے۔^[1]

ڈنمارک میں پہلا اردو اخبار 1971ء میں "صدائے پاکستان" کے نام جاری ہوا تھا جس کی ادارت ظفر ملک نے کی تھی۔ یہ اخبار 1979ء تک جاری رہا۔ سردار شمشیر سنگھ نے ایک ماہنامہ "امن" جاری کیا تھا جو ایک مختصر وقت تک جاری رہا۔ اسی طرح کچھ دیگر اخبارات ورسائل وقفے وقفے سے منظر پر آتے رہے۔^[1]

نوشین اقبال، فواد کرامت، ابو طالب، ایوب خاک اور چاند شکلا یہاں کے چند اردو شعرا ہیں۔ شفق صدیقی، اسلام ساقی اور آغا نوید یہاں کے چند مصنف ہیں۔ عباس رضوی نے ایک ڈینش اردو لغت مرتب کی جبکہ ڈنمارک ہی کے علوم شرقیہ کے ماہر اور اردو زبان کے دلدادہ پروفیسر آسموسن پاکستان کے سابق صدر ضیاءالحق کے ہاتھ صدارتی تمغا حاصل کرچکے ہیں۔^[1]

پاکستانی نژاد نصر ملک نے ڈنمارک کے عالمی شہریت یافتہ مصنف و شاعر اور فلسفی ول سؤرن کی کتاب ’’ راگنارُک ‘‘ کی کتاب کا ’’ دیوتاؤں کا زوال ‘‘ کے نام سے اردو میں ترجمہ کر کے اہل اردو کو ڈنمارک اور اسکینڈینیویائی میتھیالوجی اور اساطیری ادب سے روشناس کرایا ہے۔ اس کے علاوہ نصر ملک نے کئی ڈینش ادیبوں اور شاعروں کی تخلیقات کااردو زبان میں ترجمہ کیا ہے، جن میں ٹووے ڈٹلیووسن جیسی عظیم ڈینش مصنفہ اور ہنرک نور براندٹ، مریانے لارسن اور بینی آنڈرسن جیسے شاعروں کی نظموں، گیتوں اور نغموں کے تراجم بھی شامل ہیں اور یہ تراجم نصر ملک کے آن لائن جریدے ’’ اردو ہمعصر ڈاٹ ڈی کے ‘‘ پر پڑھے جا سکتے ہیں۔ اسی ویب گاہ اور نصر ملک کے توسط سے کئی اردو تخلیقات کا ڈینش میں ترجمہ کیا گیا ہے۔^[2]

ڈنمارک میں موجود پاکستان سفارت خانے کے توسط سے ہرسال پاکستان کے یوم آزادی کے موقع پر مشاعرے کا انعقاد عمل میں آتا ہے، جس میں اس ملک میں موجود شعرا حصہ لیتے ہیں اور محفل میں کئی اردوداں اصحاب شریک ہوتے ہیں۔^[3]

• یورپ میں اردو

• ڈنمارک میں تارکین وطن کا منفرد کتب خانہ