Miss World 1971

Miss World 1971
Petsa	10 Nobyembre 1971
Presenters	Michael Aspel David Vine
Pinagdausan	Royal Albert Hall, Londres, Reyno Unido
Brodkaster	BBC
Lumahok	56
Placements	15
Bagong sali	Bermuda Guam
Hindi sumali	Dinamarka Gambya Grenada Hong Kong Kolombya Libano Liberya Niherya
Bumalik	Aruba Panama Paragway Trinidad at Tobago
Nanalo	Lúcia Petterle Brasil
← 1970 1972 →

Ang Miss World 1971 ay ang ika-21 edisyon ng Miss World pageant, na ginanap sa Royal Albert Hall sa Londres, Reyno Unido noong 10 Nobyembre 1971.^[1][2]

Pagkatapos ng kompetisyon, kinoronahan ni Jennifer Hosten ng Grenada si Lúcia Petterle ng Brasil bilang Miss World 1971.^[3] Ito ang kauna-unahang tagumpay ng Brasil sa kasaysayan ng kompetisyon. Nagtapos bilang first runner-up si Marilyn Ward ng Reyno Unido, samantalang nagtapos bilang second runner-up si Ana Paula de Almeida ng Portugal.

Isang buwan matapos magwagi si Petterle bilang Miss World, ay hindi na ito pinayagang gamitin ang kanyang karapatang gamitin ang kanyang titulo sa mga pagpapalatastas. Ito ay matapos niyang hindi pirmahan ang kanyang kontrata sa Miss World at umuwi ito sa Rio de Janeiro dahil nais niya munang ipagpatuloy ang kanyang pag-aaral.^[4] Bagama't hindi na niya maaaring gamitin ang kanyang titulo sa kahit anong komersiyal na pamamaraan ay nanatili pa rin si Petterle bilang Miss World.^[5][6]

Limampu't-anim na kandidata mula sa limampu't-limang bansa at teritoryo ang lumahok sa kompetisyong ito. Pinangunahan nina Michael Aspel at David Vine ang kompetisyon.^[7]

Limampu't-anim na kandidata mula sa limampu't-limang bansa at teritoryo ay napili upang lumahok sa kompetisyon. Apat na kandidata ang nailuklok upang kumatawan sa kanilang mga bansa/teritoryo matapos maging runner-up sa kanilang pambansang kompetisyon, o napili sa isang casting process, at dalawang kandidata ang nailuklok matapos bumitiw ang orihinal na kalahok.

Dapat sanang lalahok si Miss Nicaragua 1971 Xiomara Paguaga sa edisyong ito, ngunit siya ay biglang pinalita ni Miss Nicaragua 1969 Soraya Herrera bilang kinatawan ng Nikaragwa dahil sa hindi isiniwalat na dahilan. Dapat din sanang lalahok ang second runner-up ng Miss Holland 1971 na si Pia Solleveld sa edisyong ito,^[8] ngunit dahil bumitiw ito dahil sa hindi isiniwalat na dahilan, siya ay pinalitan ng third runner-up na si Monica Strotmann.

Lumahok sa unang pagkakataon ang mga teritoryong Bermuda at Guam. Bumalik sa edisyong ito ang mga bansang Aruba at Trinidad at Tobago na huling sumali noong 1966, Paragway na huling sumali noong 1967, at Panama na huling sumali noong 1969.

Hindi sumali ang mga bansang Dinamarka, Gambya, Grenada, Hong Kong, Kolombya, Libano, Liberya, at Niherya sa edisyong ito. Hindi sumali sina Dorrit Weinrich ng Dinamarka at María Mónica Buitrón ng Kolombya dahil sa kakulangan sa pondo upang ipadala sila sa Londres.^[9] Hindi sumali si Nadia Arslan ng Libano dahil sa kakulangan sa oras maghanda para sa kompetisyon. Hindi sumali ang mga bansang Gambya, Grenada, Hong Kong, Liberya, at Niherya matapos na mabigo ang kanilang organisasyong pambansa na magdaos ng kompetisyong pambansa o magtalaga ng kalahok.

Kinumpirma rin na sasali sina Rosa María Rivera ng Kosta Rika,^[10] Yasmin Saif ng Singapura,^[11] at Alba Techeira ng Urugway, ngunit hindi sumipot sa Londres ang mga ito. Dapat rin sanang magkakaroon ng kandidata sa edisyong ito ang Uganda, ngunit sa gabi ng kompetisyon ay biglang tinakasan ng organizer ang kompetisyon kasama ang papremyo sana para sa magwawagi.^[12]

Bunsod ng mga nangyaring protesta sa loob ng Royal Albert Hall sa kasagsagan ng Miss World noong nakaraang taon,^[13][14] hinigpitan ang seguridad sa loob at labas ng Royal Albert Hall upang hindi maulit ang nasabing pangyayari.^[15] Hinigpitan rin ang seguridad sa mga kandidata sa posibleng demonstrasyon ng IRA laban sa kandidata ng Irlanda na si June Glover.^[15][16] Ito ay matapos matuklasan ng mga organizer ng Miss World na si Glover ay pinanganak sa Belfast sa Hilagang Irlanda.^[15] Labag ito sa patakaran ng Miss World na dapat ipinanganak ang mga kandidata sa bansang kanilang kinakatawan. Gayunpaman, binago ni Julia Morley ang patakarang ito upang payagan si Glover na magpatuloy dahil kung ididiskwalipika ni Morley si Glover dahil sa patakarang ito, matatanggal rin sa kompetisyon sina Valerie Roberts ng Australya na ipinanganak sa Inglatera at Patrice Sollner ng Suwisa na ipinanganak sa Pransiya.^[7]

Tulad noong 1961, labinlimang semi-finalist ang napili sa pamamagitan ng paunang kompetisyon na ginanap sa araw ng pinal na kompetisyon na binubuo ng swimsuit at evening gown competition. Lumahok sa swimsuit competition at evening gown competition ang labinlimang mga semi-finalist, at kalaunan ay napili ang pitong pinalista na sumabak sa final interview.

• Peter Dimmock – Isang executive mula sa BBC^[20]
• Julie Ege – Noruwegang modelo at aktres; Miss Norway 1962^[20]
• Douglas Fairbanks Jr. – Amerikanong aktor at producer^[20]
• Des O'Connor – Ingles na aktor at komedyante^[20]
• Peter Scott – Ingles na manunulat at ornitolohista; isa tagapagtatag ng World Wildlife Fund for Nature^[20]
• Sam Speigel – Polako-Amerikanong film producer^[20]
• Jean Tyrell – Amerikanang mang-aawit na miyembro ng grupong The Supremes^[20]
• Lovelace Watkins – Amerikanang mang-aawit^[20]
• Peter Wyngard – Ingles na aktor^[20]

Limampu't-anim na kandidata ang kumalahok para sa titulo.^[21]

Bansa/Teritoryo	Kandidata	Edad[a]	Bayan
Alemanya	Irene Neumann[22]	23	Garmisch-Partenkirchen
Arhentina	Alicia Daneri	20	Buenos Aires
Aruba	Elizabeth Bruin[23]	19	Oranjestad
Australya	Valerie Roberts[24]	24	Melbourne
Austrya	Waltraud Lucas	20	Ferlach
Bagong Silandiya	Linda Ritchie[25]	21	Auckland
Bahamas	Frances Clarkson[7]	20	Nassau
Belhika	Martine De Hert[26]	18	Amberes
Beneswela	Ana María Padrón[27]	20	Caracas
Bermuda	Rene Furbert	20	Paget Parish
Brasil	Lúcia Petterle[28]	22	Rio de Janeiro
Ceylon	Gail Abayasinghe[29]	20	Colombo
Ekwador	María Cecilia Gómez[30]	20	Guayaquil
Espanya	María García[31]	21	Madrid
Estados Unidos	Brucene Smith[32]	20	Port Lavaca
Gresya	Maria Maltezou	21	Atenas
Guam	Deborah Bordallo	17	Yona
Guyana	Nalini Moonsar[33]	20	Skeldon
Hamayka	Ava Joy Gill[34]	18	Mona
Hapon	Emiko Ikeda[35]	21	Tokyo
Hibraltar	Lisette Chipolina[36]	19	Hibraltar
Indiya	Prema Narayan[37]	18	Kalimpong
Irlanda	June Glover[38]	22	Dublin
Israel	Miri Ben-David[39]	19	Tel-Abib
Italya	Maria Pinnone[40]	18	Roma
Kanada	Lana Drouillard[41]	21	Ancaster
Luksemburgo	Mariette Werckx	19	Lungsod ng Luksemburgo
Lupangyelo	Fanney Bjarnadóttir[42]	18	Reikiavik
Malaysia	Daphne Munro[43]	24	Shah Alam
Malta	Doris Abdilla[44]	20	Birżebbuġa
Mawrisyo	Marie-Anne Ng Sik Kwong[45]	20	Port Louis
Mehiko	Lucía Arellano	18	Zacatecas
Nikaragwa	Soraya Herrera	20	Managua
Noruwega	Kate Starvik[7]	19	Oslo
Olanda	Monica Strotmann[46]	18	–
Panama	María de Lourdes Rivera[47]	19	Lungsod ng Panama
Paragway	Rosa María Duarte[48]	19	Asuncion
Pinlandiya	Mirja Halme[49]	23	Helsinki
Pilipinas	Onelia Ison Jose[50]	19	Maynila
Porto Riko	Raquel Quintana	19	San Juan
Portugal	Ana Paula de Almeida[51]	19	Lourenço Marques
Pransiya	Myriam Stocco[52]	22	Beaucaire
Republikang Dominikano	Haydée Kuret[53]	17	Barahona
Reyno Unido	Marilyn Ward[54]	22	Lymington
Seykelas	Nadia Morel du Boil	20	Victoria
Suwesya	Simonetta Kohl[55]	18	Lund
Suwisa	Patrice Sollner	26	Aargau
Taylandiya	Boonyong Thongboon	20	Bangkok
Timog Aprika	Gaily Ryan[56]	20	–
	Monica Fairall[57]	23	Durban
Timog Korea	Lee Young-eun	21	Seoul
Trinidad at Tobago	Maria Jordan	24	Port of Spain
Tsipre	Kyriaki Koursoumba	19	Nicosia
Tunisya	Souad Keneari[58]	22	Tunis
Turkiya	Nil Menemencioglu[59]	21	Istanbul
Yugoslavia	Zlata Petković[60]	17	Svrljig

• Opisyal na website