Furçac (Sent Estefe)

Vilatge d'Occitània

Furçac
Saint-Étienne-de-Fursac

La glèisa de Paulhac, dins la comuna.

Geografia fisica

Coordenadas

46° 08′ 45″ N, 1° 30′ 48″ E

Superfícia

31,7 km²

Altituds
· Maximala
· Mejana
· Minimala

471 m
340 m
316 m

Geografia politica

País

Lemosin

Parçan

País de La Sostrana^[1]

França

Garait

de Bénévent Grand Bourg

Cònsol

Michel Monnet (c. delegat)
(2017-2020)

Geografia umana

Populacion
Populacion totala
(2018)

1 488 ab.

1 510 ab.

Densitat

25,02 ab./km²

Autras informacions

Còde INSEE

23192

Pels articles omonims, vejatz Furçac (omonimia).

Furçac (Sent Estefe) (Saint-Étienne-de-Fursac en francés) es una anciana comuna occitana de Marcha, en Lemosin, situada dins lo departament de Cruesa e la region de Novela Aquitània, ancianament de Lemosin. Dempuei lo 1er de genier 2017, es comuna delegada e chapluòc de la comuna novela de Furçac.

Geografia

Los borgs de Sent Estefe de Furçac e de Sent Peir de Furçac fòrman una sola aglomeracion. Dempuei 2017, las doas comunas son fusionadas.

Toponimia

Las atestcions ancianas son, per luec:

Furçac (Sent Estefe) - Vicaria Firciacense en 960; Ecclesia sancti Stephani de Furciaco vers 1090; Parrochia Sancti Stephani de Fursac en 1250; In burgis, villis, parrochiis Sancti Silvani, Chamborenti, Fursiaci inferioris en 1265; Ecclesia beati Stephani de Fursat en 1282; Prior de Fursato en 1330; La parr. de S. Estienne de Furssac en 1346; Cappellanus Sancti Stephani de Fursaco ; Burgus de Fursaco en 1457; Fursac en 1539; Saint-Etienne-de-Fursac en 1844^[2].

Paulhac - Guillelmus de Ranconio preceptor domus de Pauliac en 1248; Domus milicie templi de Paulhac en 1282; Capella de Paulhac dependeat a matrice ecclesia beati Stephani de Fursac ; Johannem de S. Hylario preceptorem domus milicie Templi de Paulhaco … capella de Paulhat depend(e)at… (sens data); Fratrem Joh. Las Chaussadas quondam preceptorem tunc dicte domus de Paulhac en 1308; Sex anni erunt … frat. Humbertus de Comborino preceptor de Pulhac en 1308; Philebert de Neillac … commandeur de Loreul et de Poillac en 1385; Pierre du Bois commandeur de Poillac et Jacques du Bois son frère, chevaliers en 1434; A messire Jaques du Boys chevalier gouverneur de la terre de Pollac en 1435; Au commandeur de Pollat en 1438; Jehan Cotet commandeur de Pouilhac en 1471; Pierre de Razès commandeur de La Croux de Maseyrat et de Poillac en 1512; Pauliac vers 1764; Paulhac ; Pauliat en 1844; Paulhac en 1882^[3].

Toponimia

I a divèrsas fòrmas ancianas per Sent Estefe de Fursac :

Ferruciaco, Ferrucia, Firruciac (monedas, sègle VII);
Vicaria Firciacense (charta de l'an 960),
Ecclesia sancti Stephani de Furciaco (cartulari de Benavent, vèrs 1090);
Parrochia Sancti Stephani de Fursac (acte de 1250);
Parrochia Furciaci-inferioris (colleccion Gaignières, tòme 186, p. 123, 1264);
Ecclesia beati Stephani de Fursat (cartulari O. Domina, p. 70 vo, archius de la Nauta Vinhana, 1292);
Burgus de Fursaco (Pierre d'Hozier, registre III, genealogia de Chamboran(t), p. 42, 1457);
Fursac (registre de Guarin, 1539-1542).

Pendent la Revolucion, la comuna portèt, de prairial de l'an II à pluviôse de l'an IV, lo nom de Fursac-Libre ^[4] puei, de nivôse de l'an IV a fructidor de l'an IV, lo de Le Bas-Fursac ^[5].

Las etimologias fantasiosas an pas mancat e an sistematicament negligit las atestacions pus ancianas, las del sègle VII. Segon l'abat Louis Dubreuil, Fursac tira son etimologia de Forum sacrum > Forsac > Fursac, es a dire luec sacrat, vila santa, çò qu'indicava que Furçac èra un centre de devocion. Una autra suggestion pretend que Fursac (fursa) ven de fur (« direccion » en germanic) e sa (« ciutat ») siá la ciutat de las direccions (7 direccions a Furçac)...

Es pus rasonable de creire qu'es coma los autres noms en -ac, format d'un nom de propietari gallo-roman e dau sufixe celtic -*ako, latinizat en -acum. Adara, demòra a trobar lo nom de persona.

Las tres atestacions dau sègle VII fan pensar aus divèrs Ferruçac : Ferruçac (Naut Léger), Ferruçac (Tarn e Garona), un autre prèp de Sent Maurin (Òut e Garona). Lo nom s'explica per Ferucius o Ferrucius segon Dauzat e Rostaing ^[6], a prepaus dau vilatge dau Naut Léger, per Ferrucius segon Paul Burgan e André Lafon ^[7], a prepaus del vilatge de la comuna de Recacòrn, per Ferruntius segon Ernèst Negre e los Féniés ^[8] per lo mesme vilatge. Lo passatge de *Ferruçac a Furçac se pòt explicar de doas faiçons :

*Ferruçac > *Firruçac > *Firçac > Furçac (veire las atestacions Firruciac e Vicaria Firciacense);
*Ferruçac > *Fruçac > Furçac (metatèsi de -r-); mas la prumièra explicacion s'apieja sus las fòrmas ancianas.

La grafia Fursat de 1292 mòstra que la finala -ac fuguèt modificada en -at (t es una oclusiva sorda coma c), abans l'amudiment de la consonanta. I a plan de comunas lemosinas o auvernhassas que lor nom oficial es en -at, eretièr de -acum. Se tròba enquera d'exemples de noms en -ac prononciats -at en Gironda, Òlt e Garona, etc.

Sent Estefe vòu dire que l'egleisa es dedicada a aqueu sent. La varianta Estefe o Estèfe es sabenta per çò qu'es de la transcripcion en -f- dau -ph- grèc, la varianta Esteve o Estève es d'evolucion populara. Logicament, Esteve se tròba dins los patronimes, eretiers de pitits noms, e Estefe puslèu dins los noms d'egleisa, e après, de vilatges.

Istòria

Administracion

Lista daus maires

Lista daus maires successius
Periòde		Identitat	Qualitat
2008	31 de decembre 2016	Michel Monnet	retirat de la gendarmariá
2001	2008	Elie Malty	retirat de la SNCF
1989	2001	Lucien Trimoulet	emplegat cooperativa agricòla
1971	1989	Henri Jannot	cultivator
1945	1971	René Navarre	cultivator
	1945
Totas las donadas non son pas encara conegudas.