Brossa

Brossa^[1] (en turc Bursa, en grèc Προῦσα, en turc otoman Hüdavendigârخداوندگار) es la quatau vila mei importanta de Turquia, après Istambol, Ankara ed Esmirna. Es situada au bòrd de la mar de Marmara.

Brossa hot (re)fondada prau rei Prusias I de Bitinia, que li dèt son nom. Sos l’empèri roman, hot part de la província romana de Bitinia, e avut donc eventualament un avescat sufraganèu de l’archivescat de Nicomèdia, que subsistèt dinc au sègle 20 dens las glèisas grèga ortodòxa, armènia catolica, e armènia apostolica. De hèit, dinc aus genocidis grèc e armèni, Brossa èra, coma d’autas vilas de Turquia, una vila plan divèrsa.

BROSSA (Caplòc dau Vilayet). – Granda vila d’Anatolia (anciana Bitinia), situada au pè dau Mont Olimp, anciana capitala de l’Empèri Otoman. Residéncia d’un governaire-generau. – 60,500 abitants, daus quaus 35,000 musulmans, 12,000 grècs, 11,500 armènis e 2,000 israelitas. – Banhs sulfurós renomenats e fòrça frequentats. Banhs ferruginós a Çekirge (barri de Brossa).

Grand comèrci de seda e cocons, 40 filaturas a la francesa (1860 torns).

Fabricas de toalhetas e velós de coton. Telèirs de teishar la seda. – Vinhaus renomenats, suston en vins blancs; lo roi non se pòt pas exportar, avent pas pro de gras.

Monuments principaus: - Mosquetas, Yeşil Cami (Mosqueta Verda) bastida en 1414, remarcabla per sons ornaments e sas bèras faienças; Ulu Cami.

Tombèus (turbas) daus Sultans: Osman, Orhan, Morad Ièr, Morad II, Çelebi Mehmed Khan.^[2]

1. ↑ Preconizacions del Conselh de la Lenga Occitana – Conselh de la Lenga Occitana (clo-occitan.com)
2. ↑ Annuaire oriental (ancien Indicateur oriental) du commerce, de l'industrie, de l'administration et de la magistrature | 1891 | Gallica (bnf.fr)