Al Gore

Albert Arnold Gore Jr. (lair 31 Maret 1948 ing Washington, D.C.) iku pulitikus Amérika Sarékat sing mengku kalungguhan minangka wakil présidhèn angka 45 ing mangsa papréntahan Présidhèn Bill Clinton, wiwit taun 1993 nganti 2001. Ing taun 2000 dhèwèké maju sajeroning pamilihan présidhèn AS nanging dikalahaké déning George W. Bush sajeroning sawiji pemilu sing ketat banget lan kontroversial. Gore duwé gunggung swara pemilih paling akèh, nanging ora kapilih minangka Présidhèn AS amarga kalah saka Bush sajeroning cacahing swara èlèktoral.

Sawisé pemilu 2000, Gore dadi siji dirèktur prusahaan AS, Generation Investment Management. Gore dikenal kanthi wicarané ngenani masalah owah-owahan iklim. Gore tampil sajeroning An Inconvenient Truth, siji filem dokumenter taun 2006 panampa bebungah Academy Award sing carita ngenani pemanasan global. Ing tanggal 12 Oktober 2007, Al Gore diumumaké minangka pamenang anugerah Bebungah Nobel bebarengan karo Intergovernmental Panel on Climate Change "amarga pangudiné sajeroning yasa lan nyebar luasaké kawruh ngenani owah-owahan iklim sing disebabaké manungsa sarta sajeroning ngrintis langkah-langkah sing diperlokaké kanggo nglawan owah=owahan mau."