Botiga

Una botiga^[1][2][3], vendería, comercio, tienda u negocio ye un tipo d'establimiento comercial, fisico u virtual, a on que a chent puet mercar biens u servicios en pagas por una contraprestación economica, de forma tradicional.

A parola «botiga» embreca un chicot establimiento con atención dreita por parti d'un vendedor u «dependient»; tamién presuposa a existencia d'un «tablero» u mesa que desepara a zona de vendas d'os articlos en venda. Ista forma de comercio s'oposa a o comercio en rechimen de libre servicio, a on que o consumidor pilla os articlos, los esliche y os porta dica a linia de caixas rechistradoras ta pagar a suya compra.