چىرا ناھىيەسىنىڭ دېڭىز يۈزىدىن خېلى ئېگىز تاغلىق رايونىدىكى شورلۇق يەردە شالنى سىناق تەرىقىسىدە تېرىش مۇۋەپپەقىيەتلىك بولدى

    چىرا ناھىيەسىنىڭ چاقا يېزىسى دېڭىز يۈزىدىن ئېگىزلىكى 2100 مېتىر بولغان تاغلىق رايونغا جايلاشقان، بۇ ئالاھىدە تۇپراق ئۇزاقتىن بۇيان دېڭىز يۈزىدىن خېلى ئېگىز، تۇپراقنىڭ تۇز تەركىبى يۇقىرى بولۇشتەك ناچار شارائىت سەۋەبىدىن، شالدىن ئىبارەت ئۆسۈش مۇھىتىنى بىرقەدەر تاللايدىغان بۇ خىل زىرائەتنى تېرىش مۇمكىنچىلىكىنى ھازىرلىمىغان، دەپ قارالغانىدى. لېكىن، پەن تەتقىقات خادىملىرى ۋە شۇ جايدىكى يېزىلىق پارتىيە كومىتېتى، ھۆكۈمەت ھەمدە ئاپتونوم رايونلۇق رادىيو-تېلېۋىزىيە نازارىتىنىڭ كەنتتە تۇرۇشلۇق خىزمەت ئەترىتى ۋاز كەچمىدى. ئۇلار تەتقىق قىلىش ۋە سىناق قىلىش ئارقىلىق، بۇ يىل يېڭى تىپتىكى شورغا چىداملىق شال سورتىنى تېرىپ، تېرىقچىلىق تېخنىكىسىنى ياخشىلىدى. تۇپراقنى ئىنچىكە ياخشىلاشتىن سۇغىرىش سۇ مەنبەسىنى ئىلمىي تەڭشەپ تەقسىملەشكىچە، ھەربىر ھالقىغا چەكسىز يۈرەك قېنىنى سىڭدۈردى. سىناق تەرىقىسىدە تېرىلغان شال بۇ تۇپراقتا ساغلام ئۆسۈپ چىقتى، ئېغىر شال باشاقلىرى شالنىڭ غولىنى ئېگىپ، خۇددى مۇۋەپپەقىيەت شادلىقىنى بايان قىلىۋاتقاندەك كۆرۈنەتتى.
    دەسلەپكى مۆلچەرگە ئاساسلانغاندا، مەھسۇلات مىقدارى ھەر مو يەرنىڭ 350 كىلوگىرامدىن كۆپرەككە يېتىپ، مۆلچەردىكىدىن ئاشقان. بۇ قېتىمقى سىناق قىلىپ تېرىشنىڭ مۇۋەپپەقىيەتلىك بولۇشى ئاشلىق ھوسۇلىنى ئاشۇرۇشقا يېڭى يول ئېچىپ بەردى، ئىنسانلارنىڭ تەبىئەتنى ئۆزگەرتىش، يەر بايلىقىدىن پايدىلىنىشتىكى چەكسىز يوشۇرۇن كۈچىنى تېخىمۇ ئىسپاتلىدى، شۇنداقلا جۇغراپىيەلىك شارائىتى ئوخشاپ كېتىدىغان رايونلارنىڭ يېزا ئىگىلىك تەرەققىياتىغا يېڭى ئۈمىد ۋە ئۆرنەك قىلىشقا بولىدىغان تەجرىبە ئېلىپ كەلدى. كېلەر يىلى چىرا ناھىيەسىنىڭ چاقا يېزىسى شال تېرىش كۆلىمىنى يەنىمۇ كېڭەيتىپ، بۇ نەتىجىدىن تېخىمۇ كۆپ كىشىنى نەپكە ئېرىشتۈرىدۇ.

(چىرا ناھىيەلىك يۇغۇرما تاراتقۇ مەركىزى مۇخبىرلىرى لى لىفۇ، جاۋ يەنبىن)